English | عربي

ئيدارا پاريزگه‌ها نه‌ينه‌وا داخوازا ڤه‌گه‌راندنا پێشمه‌رگه‌ى دكه‌ت


ئيدارا پاريزگه‌ها نه‌ينه‌وا داخوازا ڤه‌گه‌راندنا پێشمه‌رگه‌ى دكه‌ت

2019/06/11 | 19:55

(هەواڵ كوردستان)- ئه‌ڤرۆ نيوز: ئيدارا پارێزگه‌ها نه‌ينه‌وا ب فه‌رمى داخوازا ڤه‌گه‌راندنا پێشمه‌رگه‌ى بۆ پارێزگه‌هێ دكه‌ت وجێگرێ پارێزگارێ نه‌ينه‌وا راگه‌هاند كو وان داخواز كر كو ناڤه‌ندا سه‌نته‌رێ باژێرێ مووسل پۆليسێن ناڤخوه‌يى تێدا بهێنه‌ به‌لاڤكرن وده‌وره‌رێن مووسلێ ژى ژ لايێ پێشمه‌رگه‌ى وله‌شكرێ عيراقێ بهێته‌ پاراستن.

سيروان رۆژبه‌يانى، جێگرێ پارێزگارێ نه‌ينه‌وا د داخۆيانيه‌كا رۆژنامه‌ڤانى دا گۆت” لڤينێن تيرۆرستێن داعشێ ل مووسلێ يێن زێده‌ بووين وژبه‌ر كێمبوونا هێزێن ئه‌منى وله‌شكرى ل سه‌نته‌رێ مووسلێ هه‌تا ده‌ڤه‌را شنگالێ وسنورێ سووريێ، داعشێ ده‌ست ب لڤينان كريه‌”.

گۆت ژى” مه‌ داخوازكريه‌ كو پاراستنا ره‌وشا ئه‌منى ل ناڤ باژێرێ مووسل ب پۆليسێن ناڤخوه‌يى بهێته‌ سپاردن وده‌وروبه‌رێن مووسلێ ژى ب هه‌ماهه‌نگى د ناڤبه‌را هه‌رێما كوردستانێ وبه‌غدا پارێزگارى لێ بهێته‌ كرن وهێزه‌كا هه‌ڤپشك يا له‌شكري عيراقێ وپێشمه‌رگه‌ى تێدا بهێته‌ جهگيركرن”.

جێگرێ پارێزگارێ نه‌ينه‌وا ئاماژه‌ كر” مه‌ يا داخوازكرى بۆ ئه‌و جهێن كوردستانى يێن ده‌وروبه‌رێن مووسلێ، هێزێن پێشمه‌رگه‌ى بۆ ڤه‌گه‌رن ودۆسێيا پاراستنا ده‌ڤه‌رێ بۆ پێشمه‌رگه‌ى بهێته‌ راده‌ستكرن”.








نیشانەکردن



زۆرترین






ڤیدیۆ- وێنە





Trending