English | عربي

بەوێنە.. لە گەرمیان هاووڵاتییەك بەهۆی گرتنی دوو بێچووە ئاسكەوە دەستگیر كرا


بەوێنە.. لە گەرمیان هاووڵاتییەك بەهۆی گرتنی دوو بێچووە ئاسكەوە دەستگیر كرا

2019/06/12 | 11:35

(هەواڵ كوردستان)-

گوتەبێژی بەڕێوەبەرایەتیی پۆلیسی دارستان و ژینگەی گەرمیان، دەستگیركردنی هاووڵاتییەكی بەهۆی گرتنی دوو بێچووە ئاسكەوە ڕاگەیاند.

 

سەركەوت ڕەحیم، گوتەبێژی بەڕێوەبەرایەتیی پۆلیسی دارستان و ژینگەی گەرمیان، بە (باسنیوز)ی ڕاگەیاند: "بنكەی پۆلیسی دارستان و ژینگەی "نەوجول" سەر بە بەشی كفری، دوای كۆكردنەوەی زانیاری، توانیان هاووڵاتییەك دەستگیر بكەن كە 2 بێچووە ئاسكی گرتبوو بەمەبەستی بەخێوكردنیان".

 

گوتیشی: "بەهۆی وەرزی زاوزێی ئاسكەوە ئێستا ژمارەی بێچووە ئاسكەكان لە سنووری گەرمیان لە زیادبووندان، بەڵام سەرپێچیكاران بێبەزەییانە لە هەوڵی ڕاوكردنیاندان".

 

ئاماژەی بەوەش دا "مانگی ڕابردووش لەلایەن مەفرەزەكانی بەڕێوەبەرایەتیمانەوە 2 سەرپێچیكار دەستگیر كران كە خاوەنی دەڕاسە بوون و 2 بێچووە ئاسكیان گرتبوو".








نیشانەکردن



زۆرترین






ڤیدیۆ- وێنە





Trending