English | عربي

ئاسایشی هەولێر دەستگیرکردنی بازرگانێکی ماددەی هۆشبەری ڕاگەیاند


ئاسایشی هەولێر دەستگیرکردنی بازرگانێکی ماددەی هۆشبەری ڕاگەیاند

2019/06/12 | 14:50

(هەواڵ كوردستان)-  

ئاسایشی هەولێر دەستگیرکردنی بازرگانێکی ماددە هۆشبەرەکانی بە زیاتر لە ٤ کیلۆ ماددەی هیرۆیینەوە ڕاگەیاند.

 

کەمێک لەمەوبەر لە ڕاگەیاندراوێکدا ئاسایشی هەولێر دەستگیرکردنی تۆمەتبارێکی ڕاگەیاند کە ڕۆژی ٢٨ی ٥ی ٢٠١٩ەوە دەستگیر کراوە کە خەڵکی شاری مووسڵە و بڕی ٤ کیلۆ و ١٠٠ گرام ماددەی هیرۆیینی لابووە و لە شاری مووسڵەوە بۆ هەولێری هێناوە.

 

ئەمەش دەقی ڕاگەیاندراوەکەیە:

 

ڕاگەیاندراوێک لە بەڕێوەبەرایەتیی ئاسایشی هەولێر

 

لە درێژەی چالاکییەکانماندا بۆ ڕووبەڕووبوونەوەی تاوانکاران، پاش چاودێریکردنی گومانلێکراوێکی بازرگانی ماددەی هۆشبەر، لە ٢٨ی ٥ی ٢٠١٩، مەفرەزەکانمان توانییان تۆمەتبار (ا.غ.ج.م) کە خەڵکی شاری مووسڵە بە بڕی چوار کیلۆ و سەد گرام ماددەی هیرۆیین لە شاری هەولێرەوە دەستگیر بکەن کە لە مووسڵەوە هێنابووی.

 

تۆمەتبار بە ماددەی ١٤ی مخدرات ڕاگیراوە و لێکۆڵینەوە لەگەڵ بەردەوامە و ڕێوشوێنی یاسایی بەرامبەری گیراوەتە بەر.

 

لێرەدا هاووڵاتییانی ئازیز ئاگادار دەکەینەوە کەوا هەمیشە لە ئامادەباشیدابن بۆ ڕووبەڕووبوونەوەی تاوانکاران و داوا لە هاووڵاتییان دەکەین لە کاتی بوونی هەر زانیارییەک لەسەر کەسانی گوماناوی و تاوانبار، بە زووترین کات بنکە و بارەگاکانی ئاسایش ئاگادار بکەنەوە.

 

ڕاگەیاندنی ئاسایشی هەولێر

١٢ی ٦ی ٢٠١٩








نیشانەکردن



زۆرترین






ڤیدیۆ- وێنە





Trending