English | عربي

روسیا؛ زیاتر لە 200 خۆپیشاندەر دەستبەسەرکران


روسیا؛ زیاتر لە 200 خۆپیشاندەر دەستبەسەرکران

2019/06/12 | 17:00

(هەواڵ كوردستان)- خەندان-

هێزەکانی پۆلیسی مۆسکۆی پایتەختی روسیا زیاتر لە 200 کەسیان دەستبەسەرکران، کە لە دژی دەستگیرکردنی رۆژنامەنوسێکی دیاری ئەو وڵاتە رژابونە سەر شەقامەکان.لەناو دەستگیرکراوەکاندا ئالێکسی ناڤانلی، یەکێک لە سەرکردە دیارەکانی ئۆپۆزسیۆنی ئەو وڵاتە بونی هەیە، کە داوای سزادانی ئەو پۆلیسانەیان دەکرد کە لە هەڵمەتی دەستگیرکردنی رۆژنامەنوس ئیڤان گۆلونۆڤ-دا بەشداربون.گۆلونۆڤ-ی 36 ساڵ بە تۆمەتی بڵاوکردنەوەی گەندەڵی لەنێوان دەسەڵاتدارانی مۆسکۆ و تێوەگلان لە کەیسی مادە هۆشبەرەکاندا دەستگیرکراوە، ناوبراویش ئەو تۆمەتانە رەتدەکاتەوە.چەند شایەتحاڵێک بە رۆیتەرز-یان راگەیاندوە زیاتر لە هەزار کەس رژاونەتە شەقامەکانی ناوەندی مۆسکۆ، بە دەنگی بەرز هوتافی " روسیا ئازاد دەبێت" ، " روسیا بەبێ پوتین"یان دوبارە کردوەتەوە، پۆلیسی هۆشداریداوە پێیان کە یاسا نەشكێنن و نەرژێنە کۆمەڵێک شەقامی دیارکراو، "بەڵام بەهۆی شکاندنی یاسا و چونو ناو چەند شەقامێک" ژمارەیەکیان لێدەستبەسەرکراوە.








نیشانەکردن



زۆرترین






ڤیدیۆ- وێنە





Trending