English | عربي

نامه‌ك ڤه‌كری بۆ جه‌نابێ سه‌رۆكێ هه‌رێما كوردستانێ رێزدار نێچیرڤان بارزانی


نامه‌ك ڤه‌كری بۆ جه‌نابێ سه‌رۆكێ هه‌رێما كوردستانێ رێزدار نێچیرڤان بارزانی

2019/06/12 | 19:40

(هەواڵ كوردستان)- د.

جمعه‌ به‌ندی د مینا كار و ره‌فتار و گۆتن و پینگاڤ و بریارێن ڤی مرۆڤێ مه‌زن دا مرۆڤ دشێت بگه‌هیته‌ وێ ئه‌نجامی كو رێزدار نێچیرڤان بارزانی مرۆڤه‌كه‌ چ توخیب و دیوار و ئاستنگێن ماددی و ده‌روونی و ئیداری و هزری د فه‌رهه‌نگا وی دا نینن.

له‌وما هه‌می ده‌ما دێ بینی ل ده‌ڤ ڤی مرۆڤێ ڤه‌كری چ ل سه‌ر ئاستێ كه‌سۆكی یان ل سه‌ر ئاستی حوكمرانی یێ ناڤه‌رۆك و گه‌وهه‌رێ بابه‌ت و مانشێتا كرنگتره‌ ژ ناڤ و سمایێن سه‌رڤه‌ سه‌رڤه‌ و پاشه‌رۆژا تاری به‌رزتره‌ ژرابردوی شێلی و قوربانیدان ژی ب روخساره‌كێ ته‌یسۆك و رابردۆیه‌كێ شێلی پێنگاڤا ئێكێ یه‌ بۆ ئاینده‌كێ زه‌لال و پری ده‌سكه‌ڤت و باوه‌ری.

ئه‌ڤ چه‌نده‌ ژی نائێت ئه‌گه‌ر دل و ناخێ ڤی مرۆڤی یێ تژی نه‌بیت ژ مه‌رداتی یێ و سه‌ر هه‌می ئاستا و مه‌رداتی ژی جهێ خوه‌ ناكه‌ت د دل و ناخێ هه‌ر مرۆڤه‌كی دا ئه‌گه‌ر ئه‌و دل و ناخ نه‌هاتبنه‌ ئاڤاكرن و هنین ب زیره‌كی و زه‌لامینیێ.

ژ به‌ر هندێ دڤێت ئه‌ڤ جۆره‌ كه‌سه‌ هه‌رده‌م كار و خه‌باتێ بكه‌ن ژبۆ ئاخڤتنێن خوه‌ ژ ئاستێ گۆتنێ به‌ر ب ئاستێ جێبه‌جێكرنێ ب ده‌ستواژه‌كا دی دا ئاخڤتنێن مه‌ ژ چارچووڤێ هۆزان و شیعرێن تازه‌ و جوان ده‌ركه‌ڤن به‌ر ب كار وكریارێن زانا و شاره‌زا د هه‌ر وه‌ره‌كی دا.

ئه‌ڤ چه‌نده‌ ژی ب رۆناهیێ نابینن ئه‌گه‌ر كار ل سه‌ر ڤان خالێن خوارێ نه‌ ئێته‌ ئه‌نجامدان: 1ـ ئابوور و پاره‌ گشتی بێنه‌ رزگاركر ژ هه‌ر ده‌ستهه‌لاته‌كێ ژبلی ده‌ستهه‌لاتا یاسایێ و جهێن په‌یوندیدار و د هه‌مان ده‌م دا، ب تنێ بێته‌ مه‌زاختن بۆ ڤه‌ژاندنا ئابوورێ وه‌لاتی و هه‌ڤوه‌لاتیان، ئانكو دڤێت پاره‌ پارا بینت و زێده‌كه‌ت ئه‌گه‌ر ئه‌و دێ بێ مفا چوون و مه‌خه‌لبوون د به‌ریكێن هنده‌ك بازرگانانێن ده‌ڤ مشاردا.

2ـ پیته‌دانه‌كا ئێكجار ب پاره‌ و سامانێ تایبه‌ت و رێك بۆ بێته‌ خوشكرن بۆ ئێكا یاسایێن تایبه‌ت مینا یاسایێن به‌رهه‌مئینانێ، چنكو ئه‌و یاسا نوكه‌ كارپێدێته‌كر نه‌ د ئاستێ پێدڤیدایه‌ و هه‌تا راده‌كی ده‌ستو پێن حوكمه‌تێ یێن هاتینه‌ كرێدان پێخه‌مه‌ت به‌رهه‌مدارێ ژده‌رڤه‌ ب گێشنه‌ د ناڤخوه‌یا هه‌رێمێ دا تایبه‌ت د وارێ نه‌فت وگازی دا، له‌ورا دێ بینین ته‌رازیا ئابووری د وه‌لاتێ مه‌ دا هه‌ڤسه‌نگیا خوه‌ یا ژده‌ستدای.

ئه‌ڤه‌ژی یابووی ژ ئه‌گه‌رێن سه‌ره‌كی بازرگانێ مه‌یێ ناڤخوه‌ په‌نایێ ببیته‌ جهه‌كێ دی مینا ژده‌رڤه‌ یان ناڤخوه‌یا عیراقێ.

3ـ پیته‌دانه‌كا بێ توخیب بهێته‌دان ب كه‌رتێ ناڤخوه‌ تایبه‌ت كه‌رتێ چاندنێ و پێشه‌سازیێ، چنكو ب راستی جهێ پسیارێ یه‌ پشتی ڤان هه‌می سالان بۆچی حه‌تا نوكه‌: ٲـ چ كارگه‌هێن مینا موعه‌لبات و ماست و په‌نیر و شه‌ربت و هنگڤین و پاراستنا به‌رهه‌مێ جۆتكاران نه‌ هاتینه‌ دامه‌زراندن؟.

ب ـ بۆچی هه‌تا نوكه‌ سێ چار مه‌جزه‌ره‌یێن سه‌ربرینا مریشكێن ناڤخوه‌ نه‌هاتینه‌ دانان؟.

ج ـ بۆچی هه‌تا نوكه‌ چه‌ندین سایلۆیێن ناڤخوه‌یی بۆ پاراستنا دان و ده‌خلێ جۆتكاران نه‌ هاتینه‌ ئاڤاكرن؟.

د ـ بۆچی هه‌تا نوكه‌ پنج شه‌ش خه‌سته‌خانێن گشتی وجۆره‌جۆ و مودرێن نه‌هاتینه‌ ئاڤاكرن؟.

هـ ـ بۆچی چه‌ند كارگه‌هێن هێران و چێكرنا ئار و ساڤاری و برنجی و گه‌نمووكان و زه‌یت و پتاتان و هه‌تا دووماهی یێ مه‌ نینن؟.

وـ بۆچی ئه‌م وه‌رزێ ڤستانێ ئاڤ مه‌دبیت هێشتا مه‌ چه‌ند سكر وگۆمێن ئاڤێ نینن؟.

ی ـ خوه‌ كه‌رتێ گه‌شتوگوزارێ یێ مایه‌ ب هیڤیا دۆمینێ ونارگیلێ ڤه‌.

4 ـ ئه‌ڤ خالێن سه‌ری ب زه‌حمه‌ت جێبه‌جیبن ئه‌گه‌ر پۆستێن ئیداری و حوكمرانیێ نه‌ كه‌ڤنه‌ د ده‌ستێن كه‌سێن شارازا وه‌فادر دا.

هه‌ر ده‌مێ ئه‌ڤ خاله‌ بوونه‌ ئێك ژ خال و په‌یره‌و پرۆگرامێ حوكمه‌تا هه‌رێما كوردستانێ ـ كابینا نه‌هێ ـ و چوونه‌ د وارێ جێبه‌جێكرنێ دا وی ده‌می ملله‌تێن كوردستانێ دێ ژ چه‌ندین ته‌جاوز و سه‌رپێچیان قورتالبن و ژوان: 1ـ ته‌جاوزا نه‌ جێبه‌جێكرنا قانوونێ و سه‌رپێجیا ته‌قما سیاسی و حزبی ئه‌وێن ب تنێ ژ بۆ به‌رژه‌وندیێن خوه‌ یێن تایبه‌ت كاردكه‌ن.

2ـ سه‌رپێچیا بكارئینا پاره‌یى بۆ بنده‌ستیا كێمداره‌مه‌تی و خودانێن قه‌له‌مێن سڤك و شاشكێن مه‌زن و جۆبێن نیفاقێ ئه‌وێن هه‌رده‌م ئاینی و گۆتارا ئاینی بكاردئینن پێخه‌مه‌ت بده‌سڤه‌ئینانا شه‌هوتێن دونیایێ، دیسا دێ ملله‌تێ پارێزن ژ هه‌ر گۆتاره‌كێ و ل بن چ ناڤ بیت كاركه‌ت ژ بۆ مه‌رمێن دوور ژ مرۆڤاتیێ و ئارمانجێن نه‌ته‌وایتێن كوردستانێ.

ل دووماهیێ پر ژدل پیرۆزباهیا پۆستێ سه‌رۆكێ هه‌رێما كوردستانێ ل جه‌نابێ هه‌وه‌ دكه‌ین و هیڤیا مه‌ ژ خودێ پاك و به‌رز و بلند ئه‌وه‌ ئه‌ڤ پۆسته‌ بهێته‌ بكارئینان ژ بۆ خزمه‌تكرنا كوردستانێ و خه‌لكێ كوردستانێ و ببیته‌ جهێ سه‌رفه‌رازیێ بۆ خودانێ وێ ددین ودونیایێ دا … اللهم ئامین.








نیشانەکردن



زۆرترین






ڤیدیۆ- وێنە





Trending