English | عربي

له‌سه‌ر مووچه‌ی فه‌رمانبه‌ران و ناردنی نه‌وت بۆ به‌غدا راپۆرتێك ده‌درێته‌ په‌رله‌مانی عێراق


له‌سه‌ر مووچه‌ی فه‌رمانبه‌ران و ناردنی نه‌وت بۆ به‌غدا راپۆرتێك ده‌درێته‌ په‌رله‌مانی عێراق

2019/06/13 | 14:25

(هەواڵ كوردستان)-  

چه‌ند په‌رله‌مانتارێكی سه‌ر به‌ نوری مالیكی و حه‌یده‌ر عه‌بادی له‌سه‌ر پرسی مووچه‌ی فه‌رمانبه‌رانی هەرێمی كوردستان و نه‌وت داوای روونكردنه‌وه‌یان له‌ وه‌زیری دارایی عێراق كردووه‌ و ئه‌وانیش به‌راپۆرتێك وه‌ڵامیان داوه‌ته‌وه‌.

شێروان دووبه‌ردانی، په‌رله‌مانتاری فراکسیۆنی پارتی له‌ په‌رله‌مانی عێراق به‌ (باسنیوز)ی راگه‌یاند: "دوای كۆبوونه‌وه‌ی لێژنه‌ی دارایی له‌گه‌ڵ وه‌زیری دارایی و كۆمپانیا سۆمۆ، لێژنه‌كه‌مان راپۆرتێكی له‌سه‌ر یاسای بوودجه‌ی 2019 ئاماده‌كردووه‌ و بریاره‌ له‌په‌رله‌مان بخوێنرێته‌وه‌ ئه‌وه‌ش دوای ئه‌وه‌دێت چه‌ند په‌رله‌مانتارێك داوای روونكردنه‌وه‌یان كردووه‌".

گوتیشی: "چاوه‌روانین راپۆرتی لێژنه‌ی دارایی بخوێنرێته‌وه‌، به‌ڵام ئه‌گه‌ری هه‌یه‌ سه‌رۆكایه‌تی په‌رله‌مانی عێراق رۆژی شەممه‌ی داهاتوو بیخاته‌ به‌رنامه‌ی كاره‌وه‌".

ئەو پەرلەمانتارەی پارتی ئەوەشی خستە ڕوو، پێش جه‌ژنی جەژنی رەمەزان وه‌زیری دارایی و بازرگانی لەگەڵ کۆمپانیای سۆمۆش هاتنه‌ په‌رله‌مان روونكردنه‌وه‌ی زۆریان له‌سه‌ر پرسی ڕادەستکردنی بڕی 250 هەزارار به‌رمیل نه‌وتی كوردستان بۆ سۆمۆ و مووچه‌ی فه‌رمانبه‌رانی كوردستان دا و هیچ مه‌ترسییه‌ك له‌سه‌ر مووچه‌ی فه‌رمانبه‌ران نییه‌.








نیشانەکردن



زۆرترین






ڤیدیۆ- وێنە





Trending