English | عربي

پیاوێك لە دوکان و ئافرەتێك لە قەمتەران خنکان


پیاوێك لە دوکان و ئافرەتێك لە قەمتەران خنکان

2019/06/14 | 21:15

(هەواڵ كوردستان)-

ئێوارەی ئەمڕۆ ھەینی پیاوێك لە زێی دوکان و ئافرەتێكیش لە ئاوی قەمتەرانی سنووری رانیە خنکان.

ڕێکان جەمال گوتەبێژی بەرگریی شارستانیی سلێمانی بە (باسنیوز)ی ڕاگەیاند پیاوێك لە زێی دوکان خنکاوە و تیمەکانی مەلەوانیی سنوورەکە سەرقاڵی دەرهێنانی تەرمەكەن.

هەرچەندە گوتەبێژی بەرگریی شارستانیی سلێمانی ڕایگەیاند کە ناسنامەی کەسە خنکاوەکە دیار نیە، بەڵام شایەدحاڵێکی ڕووداوەکە بە (باسنیوز)ی ڕاگەیاند هاووڵاتیەکە خەڵکی ڕۆژئاوای کوردستانە و دانیستووی تاسڵوجەی نزیک شاری سلێمانیە.

لەلایەکی دیکەوە حسێن عەبدوڵڵا گوتەبێژی بەرگریی شارستانیی ڕاپەڕین بە (باسنیوز)ی راگەیاند ئێوارەی ئەمڕۆ ئاگادار کرانەوە کە ئافرەتێک لە ڕووباری قەمتەران خنکاوە، تیمەکانیان تەرمەكەیان دۆزیوەتەوە و سەرقاڵی ئاشکراکردنی ناسنامەی قوربانیەكەن.

 








نیشانەکردن



زۆرترین






ڤیدیۆ- وێنە





Trending