English | عربي

بەهۆی دزینی داهاتی نەوتەوە ساڵی داهاتو واقعێکی تاڵ رو لە هەرێم دەکاتپەرلەمانتارێکی گۆڕان داوا دەکات پارتی رونکردنەوە بداتە کادیرەکانی


بەهۆی دزینی داهاتی نەوتەوە ساڵی داهاتو واقعێکی تاڵ رو لە هەرێم دەکاتپەرلەمانتارێکی گۆڕان داوا دەکات پارتی رونکردنەوە بداتە کادیرەکانی

2019/06/15 | 00:15

(هەواڵ كوردستان)-

خەندان-پەرلەمانتارێکی گۆڕان داوا دەکات بەرپرسانی پارتی رونکردنەوە بدەنە کادیرەکانی خوارەوەیان لەسەر رێکەوتنی چوار ساڵی داهاتوی نێوان گۆڕان و پارتی و دەشڵێت، سەرۆک کۆمار بەرونی ئەو فشارانەی ئاماژەپێداوە کەلەسەر بودجەی هەرێمی کوردستان هەیە.ئەو پەرلەمانتارەی گۆڕان لە پۆستێکدا لە هەژماری تایبەتی خۆی لە فەیسبوک باسی لە وتاری سەرۆک کۆماری عێراق و سەرۆکی پەرلەمانی عێراق کردوەو دەڵێت"بەڕونى ئەو فشارانە ئاماژەى پێدرا کەلەسەر بودجەى هەرێمى کوردستان هەیە و داواى هەرچى زوتر تێگەیشتن و ڕێککەوتنیان کرد". ئەندامەکەی پەرلەمانی کوردستان لە بزوتنەوەی گۆڕان راشیگەیاند، "ئەگەر لە ئێستادا و بۆ ئەمساڵ ئەم فشارانە شوێنى خۆیان نەگرن، لە بودجەى ساڵى داهاتودا بەهۆى ملنەدان و بەدەنگەنەهاتنى هەندێک لە بەرپرسانى هەرێم و بەردەوامبون لەسەر فرۆشتنى نەوت و شاردنەوەیان دزینى ! داهاتەکەى، فشارەکان دەکەنە واقیعێکى تاڵ کە هیچ تاکێکى هەرێم خۆزگە بە بینینى ناخوازێت"دابان محەمەد وتیشی،"ئەو هاوڕێیانەى لە پەرلەمانى عێراق،یان پەرلەمانى کوردستان یان لە هەر جێگەیەکى تر، بەرگرى لە قوت و ژیانى خەڵک دەکەن و بە کژ سیاسەتى هەڵەى بەرپرسانى هەرێم و مافیاکانى نەوت و گەندەڵیدا دەچنەوە، بێ شک لە خەڵکە هەرە دڵسۆزەکانى گۆڕانن و هەڵوێستى بزوتنەوەکەش لە بارەیانەوە پێویست بەڕونکردنەوە ناکات". لە بەشێکی دیکەی نوسینەکەیدا پەرلەمانتارەکەی گۆڕان داوای کردوە بەرپرسانی پارتی رونکردنەوە لەسەر رێککەوتنی گۆڕان و پارتی بدەنە کادیرانی خوارەوەیان و دەڵێت"زیاتر لە جارێکە کادیرانى پارتى ، داواى ڕونکردنەوە لەسەر ئیش و کار و هەڵوێستى نوێنەرەکانى گۆڕان دەکەن،ئەمە لە دو حاڵەت بەدەر نیە، کەڕەنگە مەرایى و خۆشیرینکردنى ئەو خەڵکانەبێت بۆ چەند بەرپرسێکى سەرەوە، لەوە بترازێت تێنەگەیشتنێکى قوڵ لەسەرڕێککەوتنى بزوتنەوەى گۆڕان و ئەو هێزە لە خوارەوەى قیادەکەى دروست بوە، کە پێویستە زیاتر مەبەست و ناوەڕۆکى ئەمڕێککەوتنەبۆ کادیر و هەوادار و دەنگدەرەکانى خۆیانڕونتر بکەنەوە".لە کۆتایی پەیامەکەیدا ئەندامەکەی پەرلەمانی کوردستان لە فراکسیۆنی گۆڕان نوسیویەتی"ئەگەر پێشتر پەنجەرەیەک بۆ ئاشکراکردن و وتنى ڕاستیەکان کراوە بوبێت، لە ئێستا بەدواوە چەندین دەرگا کراوە دەبێت،بزوتنەوەى گۆڕان، لە پێناو پرەنسیب و سەوابتەکانى خۆیدا، دەستبەردارى شەراکەتى دەسەڵات بو، بە سەرۆکى پەلەمان و هەرچى پۆستى حکومیشەوە، لە ئێستاش بە دواوە، بۆ نوێنەرێکى گۆڕان لە هەر جێگەیەکدا بێت،  با لە پێش هەمویەوە دەستى خەڵک و دەنگدەرەکان، هێزە نەیار و یارەکانیش کراوەبێت، لە ئاشکراکردنى کەموکوڕى و کەمتەرخەمى و هەر کارێک شوبهەى گەندەڵى لێدەکرێت، دواتر لێکۆڵینەوە و سزادانیان و دورخستنەوەیان و هەر ئیجرائاتێکى تر، بە پێچەوانەوە، نوێنەرەکانى ئەم بزوتنەوەیە، نەک چاو پۆشى ناکەن، بەڵکو بەگژ هەمو ئەو کەس و گروپ و کۆمپانیا و بەرپرسانەدا دەچنەوە کە بون بەبەشێک لە گەندەڵى(( لە هەرئاستێکى بەرپرسیارێتى حکومى و غەیرە حکومى بن یان سەر بە هەر حزبێک بن))".








نیشانەکردن



زۆرترین






ڤیدیۆ- وێنە





Trending