English | عربي

جڤاتا مووسل: رێكخراو نەشێن پرۆژان ل شنگال ئەنجام بدەن


جڤاتا مووسل: رێكخراو نەشێن پرۆژان ل شنگال ئەنجام بدەن

2019/06/17 | 10:00

(هەواڵ كوردستان)-

سەرۆكێ‌ كوتلا برایەتی و پێكڤە ژیانێ ل جڤاتا پارێزگەها مووسل دیار كر ژبەر نەباشیا رەوشا شنگال رێكخراوێن ئاڤەدانیێ نەشێن بچنە شنگال كو هەر جهەكێ‌ قانوون تێدا نەبیت یا زەحمەت كار وپرۆژە لێ‌ بهێنە ئەنجامدان.

 

بەرەكات شەمۆ، سەرۆكێ‌ كوتلا برایەتی و پێكڤە ژیانێ ل جڤاتا پارێزگەها مووسل بۆ (باسنیوز) دیار كر: "جارێ نها تشتەك بۆ شنگال نینە.

گەلەك جاران مە داخواز كرینە ژ رێكخراوان و حكومەتا عێراقێ ژی، لێ‌ هەتا نۆكە هیچ تشتەك بۆ شنگال وئاڤەدانی نینە چونكو هەكە تەناهی و ئاڤەدانی نەبیت ئاوارە نەشێن ڤەگەرن و رێكخراو ژی ناچنە شنگال بۆ ئاڤەدانیێ چونكو هەكە پرۆژەك بهێتە چێكرن كەس ل شنگال نینە پرۆژێ ئیستلام بكەن.

پێدڤیە  ئیدارا شەرعی پرۆژە وەربگریت دەمێ‌ دهێنە چێكرن ب دووماهی دهێن وئیدارا شەرعی ژی ل شنگال نینە لەورا ژی ئاڤەدانی ل شنگال ناهێتە كرن.

چو پرۆژە ل شنگال نەهاتینە بجه ئینان دلێ خەلكێ‌ شنگال پێ‌ خوش بیت".

 

خویا ژی كر: "گەلەك لایەنێن سیاسی دناڤ شنگالێ‌ دا، خەلكێ شنگال دناڤ ئاگرێ وان دا دهێتە سۆتن، دمینن بێ‌ بەهر ژ پرۆژان.

هەتا رێكخراوێن ئاڤەدانی ژی نەشێن بچنە شنگال بتنێ هندەك رێكخراوێن راكرنا مین وتەقەمەنیان وكارێن بچووك قەستا شنگال دكەن".








نیشانەکردن



زۆرترین






ڤیدیۆ- وێنە





Trending