حكومه‌ت عراقى ئاشكراى دوسيه‌ى گفتگووه‌يل چه‌وه‌ڕيكرياگى كرد وه‌ل وڵاته‌يل يه‌كگرتگ
شه‌فه‌ق نيوز/ حكومه‌ت عراقى، ئاشكراى ئه‌و كه‌رته‌يله كرد ك ئه‌كه‌فنه وه‌ر گردبوينه‌وه‌ى چه‌وه‌ڕيكرياێ وه‌ل وڵاته‌يل يه‌كگرتگ ئه‌مريكاو جه‌خت له‌وه كرد ك دانووستان نيه، به‌ڵكوو گفتگووه.
له‌ى باوه‌ته‌و، هوشام داود راوێژكار سه‌رۆك وه‌زيره‌يل عراقى له كۆنگره‌يگ رووژنامه‌گه‌رى ك په‌يامنێر ئاژانس شه‌فه‌ق نيوز ئاگادارى بوێ وت: گفتگوو ستراتيجى فريه گرنگ و بنه‌ڕه‌تييه وه‌ل وڵاته‌يل يه‌كگرتگ.
داود وت: عراق له ئاست بريكار وه‌زيره‌يل به‌شدارى له گفتگووه‌يلى ئه‌كا وه‌ل ئه‌مريكا و جه‌ختيش له‌وه كرد عراق هه‌وڵ په‌يوه‌نديه‌يل وازيگ ئه‌ياد نه‌ك ته‌نيا وه‌ل وڵاته‌يل يه‌كگرتگ، به‌ڵكوو په‌يوه‌نديه‌يلى هاوسه‌نگه وه‌ل گشتلايگ چ ئيران و سعوديه يا ئه‌مريكا و وڵاته‌يل تر.
جى باسه، داود هه‌ميش وت: ئى گفتگووه گشت بواره‌يليگ ئه‌گرێده‌وه‌و حكومه‌تيش كار له‌بان سوودوه‌رگرتن له‌و گفتگووه‌يله ئه‌كا له كشتوكاڵ و پيشه‌سازى و وزه.