دوياى بيبه‌شكردنيان له وه‌زاره‌ت.. فه‌يليه‌يل داواى پۆسته‌يليگ جيوه‌جيكار باڵا ئه‌كه‌ن
2020-06-09 00:00:00 - سەرچاوە: شـه‌فـه‌ق نيـوز
شه‌فه‌ق نيوز/ مازن فه‌يلى ئه‌ندام ئه‌نجومه‌ن نوێنه‌ره‌يل عراقى، داوا له مسته‌فا كازمى سه‌رۆك وه‌زيره‌يل كرد، پۆسته‌يليگ جيوه‌جيكار له ده‌سه‌يل سه‌روه‌خوه‌ى و ده‌زگايه‌يل حكومى بيه‌ێده كورده‌يل فه‌يلى، ئه‌ويش دوياى بيبه‌شكردنيان له شايسته‌يل وه‌زارى له حكومه‌ت كازمى.
فه‌يلى ئه‌را ئاژانس شه‌فه‌ق نيوز وت: په‌رله‌مان باس له زووان شماره ئه‌كا و ئيمه‌يش زووان شماره بيبه‌شمان كرد له شايسته‌يلمان ئه‌را وه‌رگرتن هه‌ر وه‌زاره‌تيگ وه به‌راورد وه‌ل پيكهاته‌يل تر.
جى باسه، فه‌يلى داوايش له مسته‌فا كازمى سه‌رۆك وه‌زيره‌يل كرد پۆسته‌يل ئدارييش له ده‌سه‌يل سه‌روه‌خوه‌يى و ئداره‌يل تر گشتى بيه‌ێده كورده‌يل فه‌يلى، ئه‌ويش له‌وه‌ر ئه‌و شاره‌زايى و تواناييه ك ديرێده‌ى ئه‌را ئداره‌كردن ده‌زگايه‌يل ده‌وڵه‌ت وه‌شيوه‌يگ نموونه‌يى.
