كۆرۆنا وه يه‌كه‌مين حاڵه‌ت تويشبوين روێ له خانه‌قين كرد
2020-06-10 00:00:00 - سەرچاوە: شـه‌فـه‌ق نيـوز
شه‌فه‌ق نيوز/ سه‌رچه‌وه‌يگ پزيشكى له قه‌زاى خانه‌قين له پاريزگاى دياله، ئاشكراى تۆماركردن يه‌كه‌م حاڵه‌ت تويشبوين وه ڤايرۆس كۆرۆنا كرد له قه‌زاگه.
ئه‌و سه‌رچه‌وه ئه‌را ئاژانس شه‌فه‌ق نيوز وت: ئه‌و تويشبوينه ئه‌را دويه‌تيگ 19 ساڵان تۆمار كرياگه دوياى ئه‌وه‌گ ژه‌ن وشكاننيگ ئه‌راى ئه‌نجام درياگه له شاره‌گه له‌لايه‌ن كادره‌يل تايبه‌تمه‌ند ته‌ندروستييه‌وه.
جى باسه، سه‌رچه‌وه‌گه هه‌ميش وت: پيشبينى ئه‌وه‌يش ئه‌كريه‌ێد دو حاڵه‌ت تر تازه‌يش له ماوه‌ى چه‌ن سه‌عاتيگ ئاينده له خانه‌قين تۆمار بكريه‌ێد و له‌ئيسه‌يش چه‌وه‌ڕێ ده‌رچين ده‌رئه‌نجامه‌يل وشكاننه‌يليان ئه‌كريه‌ێد.
