سلێمانی هووشداری دەێدە دانیشتوەیل لە هەڕەشەی راسییگ لەبان ژیان وگوزرانیان
شەفەق نیوز/ دەسەی باڵای دژوە پەتای کۆڕۆنا لە سلێمانی، ئمڕوو پەنجشەممە، کۆبونەوەیگ بەسا وە سەرپەرشتی پارێزگار هەڤاڵ ئەبوبەکر.
بەیاننامەیگ ئەرا پارێزگاگە باس کرد؛ ک کۆبونەوەگە باس شیوه‌ی رویوەڕوی بوین ئی قۆناغ مەترسیدارە كرد ئەرا بڵاوبوین ڤایڕۆس کۆڕۆنا، ودووپاتکرد لە وەردەوامی جیوەجیکردن رێکارە مەقەیەتی وچەودێریەگان وهاوکاری ناونی هاووڵاتیەیل و دامەزراوە حکومەتیەگان.
بەیاننامەگە ئاماژە دا ک بڕیگ رینمایی تایبەت وە رەوش ئیسە دەرچگ، ودیاری کرد ک دەسەی باڵای دژوە پەتای کۆرۆنا لە سلێمانی ئاگادار گشت کەێد، ئەگەر پابەند نەوین وە رینما تەندروسیەگان هەڕەشەی راسییگ بوود لە بان ژیان وگوزران هاووڵاتیەیل، ورێژەی مردن بەرزەوبوود.
لە وەخت بڵاوه‌بوین ڤایڕۆسەگە لە ئادار وەرین لە هەرێم کوردستان، سلێمانی ١٠٣٦ توشهاتن تۆمار کردگە، ك ٢٤٦ بیمار خاسەوبویە، و ٣١ كه‌سیان مردنه.
