فه‌تح و عه‌سايب دو داواكارى له‌باره‌ى گفتگوو ستراتيجى.. "حه‌شد و كلتوور يه‌هودى"
شه‌فه‌ق نيوز/ هاوپه‌يمانى فه‌تح، داواى به‌شداركردن حه‌شد شه‌عبى كرد له گفتگوو ستراتيجى ك ئمڕوو په‌نجشه‌ممه وه‌ل واشنتۆن ده‌سوه‌پيكرد، ك زوورم دانيشتنكاره‌يل له‌يوا تاريف كرد په‌يوه‌سن وه وڵاته‌يل يه‌كگرتگ و لايه‌نگر سياسه‌ته‌يل ئه‌مريكان له عراق.
له‌ى باوه‌ته‌و، كه‌ريم علێوى ئه‌ندام هاوپه‌يمانيه‌گه و ئه‌ندام ليژنه‌ى ئاسايش نوێنه‌رايه‌تى ئه‌را ئاژانس شه‌فه‌ق نيوز وت: ئيمه دڵنيا نييم له لايه‌ن ئه‌مريكى و بايه‌سه دانيشتنكاره‌يل له ناوجه‌رگه‌ى واقع عراقى بوون و دوير نه‌ون له پرووسه‌ى سياسى و حزبه‌يل ده‌سڵاتدار.
لاى خوه‌ييشه‌و، قه‌يس خه‌زعه‌لى سه‌ركرده‌ى بزووتنه‌وه‌ى عه‌سايب ئه‌هل هه‌ق، وت: بايه‌سه له‌بان ئداره‌ى ئه‌مريكا ئه‌وه بزانێد ك هه‌ناى داواى مه‌ندنه‌وه‌ى هيزه‌يلى ئه‌كا له عراق وه‌گووره‌ى ياساى عراقى مه‌حكوم ئه‌دێ، چوينكه په‌رله‌مان عراقى زويتر وجوود ره‌ته‌و كرد و وه‌پيداين حسانه‌يش ئه‌رايان ره‌ته‌و كرد و وت: رێ وه هويچ هه‌وڵه‌يليگ له‌ى باوه‌ته‌و نايه‌ێم.
خه‌زعه‌لى له‌ڕێ ماڵپه‌ڕ تويته‌ر وت: حكومه‌ت عراقى مادام دانيشتن يا گفتگوو له سه‌روه‌رييه‌و ئه‌كا و به‌رژه‌وه‌ندى نيشتمانى ئه‌خاده بان، بايه‌سه له‌بانى داواى هاوردنه‌وه‌ى كلتووره‌يل يه‌هودى بكا ك وڵاته‌يل يه‌كگرتگ له عراق دزيه‌ييان.