هەواڵی کوردستان ئێستا

شەفەق نیوز/ سەرچەوەیگ پزشکی لە دیالە، ئمڕوو جومعە، باس کرد لە مردن یەکیگ لە وەرپرسەگان لەوەر تویشهاتنی وە ڤایڕۆس کۆڕۆنا.
سەرچەوەگە ئەرا ئاژانس شەفەق نیوز وت: عەلی فەهەد تمیمی وەڕیەوبەر باوەتە ئەندازیەگان لە دیوان پارێزگای دیالە، کۆچ دویایی کرد لەوەر تویشهاتنی وە ڤایڕۆس کۆڕۆنا دویای خراوبوین تەندروسیەگەی.
وتیش؛ وەڕیەوبەرایەتی پارێزگاگە رێکارەیل مقەیەتی سەختیگ وەکارهاورد ئەرا نواگردن لە دیاردان تویشهاتنەگە یەکجاتر یا پەتاگریگ وەڤایڕۆسەگە بوود.
جی باسە ک پارێزگای دیالە تا ئیسە ٢٥٧ تویشهاتن وە ڤایڕۆس کۆڕۆنا تۆمار کردگە، ١٦ لەناویان مردگە، و ٩٢ خاسەوبویە.