هەواڵی کوردستان ئێستا

شەفەق نیوز/ کۆمسیۆن باڵای ماف مرۆڤ، ئمڕوو شەممە، لە وەرگردن داواکاری ٣٥ خیزان ئەیزیدی گیرهاتگ لە یەکیگ لە خاڵ وەشکینەگان خه‌وه‌ر دا ك خوازن ئەرا قەزای شەنگال بانه‌و.
فازڵ غەراوی ئەندام کۆمسیۆنەگە لە بەیاننامەیگ ك رەسیە ئاژانس شەفەق نیوز وت؛ کۆمسیۆنەگە داواکاری بڕیگ لە خیزانەیل ئاوارە لە خەڵک قەزای شنگال وەرگرد، ک ٣٥ خیزانن، لە کەمپەیل دهۆک هاتنەسەو، دویای ئەوە ک لە خاڵ وەشکنین بەدریە گیرهاتن لە ئەنجام رێکارەیل قەیەغەی تەندروسیەگە.
وتیش؛ کۆمسیۆنەگە چەن پەیوەندییگ وەل وەزارەت کۆچ وکۆچبەران فیدڕاڵی لە هەرێم کوردستان ئەنجامدا، وە هەماهەنگی وەل لق وەزارەتەگە لە دهۆک، ولایەنە پەیوەندیدارەیل، و هەماهەنگی دروسکریا ئەرا وەرگردن موڵەت ئەمنی وفەرمی ودابینکردن ری هاتنەوە ئەرا ئی خیزانەیلە تا بڕەسنە قەزای شەنگال.
غەراوی داوا لە حکومەتە خۆجێیەگان و فەرماندە ئەمنیەگان کرد ئەرا ئاسانکاری رێکارەیل هاتنەوەیان و وت؛ داوا لە حکومەتەگە کەیمن لە بەسانن گشت کەمپەگان و دابینکردن داواکاری چگنەوەی خۆوه‌خشانه‌‌.
مەحما خەلیل عەلی ئاغا قایمقام قەزای شنگال، لەوەختیگ وەرین، تومەتبار حکومەت فیدڕاڵی کرد وە کەموکوڕی وەرانەور کارەیل خراوکردن رینمادار ک لە قەزاگە بوود، لەلایەن هێزەیل ناو ودەیشت عراق، وئاماژەدا وە به‌رنامه‌ و ئەجندەیل ئەمریکی، روسی، تورکی، ئیرانی وسوری، کارکەن لەبان نەهاتنەوەی ئەیزیدیەگان ئەرا قەزای شەنگال.