English | عربي

وەڵامی لێدوانەکانی فازڵ میرانی دەداتەوە سه‌عدی پیره‌: ئەگەر قبوڵمان کرد کاک مەسعود بڕیار لە بابەتێک بدات لەبەرئەوە نیه‌ پارتیە


وەڵامی لێدوانەکانی فازڵ میرانی دەداتەوە سه‌عدی پیره‌: ئەگەر قبوڵمان کرد کاک مەسعود بڕیار لە بابەتێک بدات لەبەرئەوە نیه‌ پارتیە

2019/06/27 | 09:25

(هەواڵ كوردستان)-

خەندان-سه‌عدی پیره‌، ئەندامی مەکتەبی سیاسی یەکێتی رایگەیاند، مەسەلەی "مەرجەع" مەسەلەیەکی فەلسەفیە بە ئەمری ئیداری دروست نابێت، دەشڵێت، "کاک مەسعود پیاوێکی گەورەیە و دوای وەفاتی مام جەلال و کاک نەوشیروان لەو جیلە لەناو بزوتنەوە و سەرکردەکاندا ئەو ماوه‌، "ئەگەر ئێمە قبوڵمان کرد کاک مەسعود لەبابەتێکدا بڕیار بدات لەبەر ئەوە نیه‌ پارتیە".نەتەوە یەکگرتوەکان بڕیاریان داوە لەم 2019 و 2020 تەدا ئەولەویەتی کارەکانی لە شاری کەرکوک جێ بەجێکردنی ماددەی 140 بێت 

سه‌عدی پیره‌، ئەندامی مەکتەبی سیاسی یەکێتی وەڵامی لێدوانەکانی فازڵ میرانی دایەوە و رایگەیاند، "ئەمڕۆ مەسەلەی کەرکوک مەسەلەیەکی گرنگە نەتەوە یەکگرتوەکان بڕیاریان داوە لەم 2019 و 2020 تەدا ئەولەویەتی کارەکانی لە شاری کەرکوک جێ بەجێکردنی ماددەی 140 بێت، لەهەمانکاتیشدا بابەتی هەڵبژاردن هەیە، پێدەچێت سەرژمێریش لە کەرکوک بکرێت".کوردی پارچە پارچە لە کەرکوک، کەرکوک بەرەو مەترسیەکی گەورە دەبات

 

ئاماژەی بەوەشکردوە، "کوردی پارچە پارچە لە کەرکوک، کەرکوک بەرەو مەترسیەکی گەورە دەبات، هەر ئەوە نیە 16ی ئۆکتۆبەر خەتای یەکێتی بوە یا نا؟ هۆکارەکەی چی بوە؟ ئەمانە هەموی بابەتن و پێویستی بە لێکۆڵینەوە هەیە، ناکرێت ئێمە هەرچی ڕویدا لایەکەی تر بکەین بە خائین، ئەگەر خائینە بۆ لەگەڵی دادەنیشن؟ بۆیە من لەقسەکانمدا ئەوەم وتبو کە دەبێت کورد وریا بێت ئەگەر بە شەڕ بدۆڕێین دەتوانین بە شەڕ وەریبگرینەوە، بەڵام ئەگەر بە سەرژمێری و هەڵبژاردن بدۆڕێین ناتوانین وەریبگرینەوە".فازڵ میرانی، سکرتێری مەکتەبی سیاسی پارتی رایگەیاندبو، "هەندێك لە برادەرانی سەركردایەتی یەكێتی بە کاک سەعدی پیرەشەوە پێمان دەڵێن، حەقە كاك مەسعود تەنیا وەك سەرۆكی پارتی نەبێ بەڵكو ببێتە مەرجەعی كوردستان‌و هەمومان".مەسەلەی مەرجەع مەسەلەیەکی فەلسەفیە بە ئەمری ئیداری دروست نابێت

 

بەڵام سەعدی پیرە دەڵێت، "بەو شێوەیە مناقشە ناکرێت، مەسەلەی مەرجەع مەسەلەیەکی فەلسەفیە بە ئەمری ئیداری دروست نابێت، کاک مەسعود پیاوێکی گەورەیە و دوای وەفاتی مام جەلال و کاک نەوشیروان لەو جیلە لەناو بزوتنەوە و سەرکردەکانمان ئەو ماوە، ئێمە هەمومان ڕێزی دەگرین و لە کۆبونەوەی دو قۆڵیدا پێمان وت، کە باشترە تۆ هەمومان کۆبکەیتەوە برا گەورایەتیەکە بکەی، جا ئەگەر ئەوە بەشێوەیەکی تر بەکاربهێنرێت ئەوە لەکۆبونەوەی فراوانی هەردو مەکتەبی سیاسی پارتی بەسەرۆکایەتی کاک مەسعود وە مەکتەبی سیاسی یەکێتی بەسەرۆکایەتی کاک کۆسرەت کرا، قسەکەش کاک کۆسرەت پێی وت، وتی پێویستە بۆ بەرەنگاربونەوەی ئەو کێشانەی کەهەمانە جەنابت برا گەورایەتیەکە بکەی".ئێستاش من پێموایە لێی بگەڕێین و هەوڵی ئەوە بدەین بەهەمو لایەکمان سود لە تواناکانی کاک مەسعود وەربگرین

 

سەعدی پیرە دەشڵێت، "ئێستاش من پێموایە لێی بگەڕێین و هەوڵی ئەوە بدەین بەهەمو لایەکمان سود لە تواناکانی کاک مەسعود وەربگرین، نەک ئێمە بێین خەریکی مونافسە بین، وە پارتی وابزانێت ئەگەر ئێمە قبوڵمان کرد کاک مەسعود لەبابەتێکدا بڕیار بدات لەبەر ئەوە نیه‌ پارتیە، نەخێر لەبەر ئەوەی کاک مەسعودە پێم وایە دەبێت پارتی یارمەتی کاک مەسعود بدات، کە سەربکەوێت لە یەکێک لەو مهیمانەی هەیەتی سەربکەوێت، خۆی لەخۆیدا ئەگەر کاک مەسعود ڕۆڵی برا گەورە ببینێت دەبێت یارمەتی بدات نەک هەڵە سودی لی ببینێت، بابەتەکان بەو شێوەیەیە نەک بەو شێوەیەی کە کاک فازڵ دەیڵێت ئەوە هەڵەیەکی گەورەیە".نابێت مەسەلەی کەرکوک لێبگەڕێین لەبەر ئەوەی 16ی ئۆکتۆبەر، باشە 31ی ئابیش و دەیان مەسەلەی تریش ڕوییان داوە

 

لەبارەی لێدوانەکانی فازڵ میرانی لەسەر 16ی ئۆکتۆبەر سەعدی پیرە وتی، "نابێت مەسەلەی کەرکوک لێبگەڕێین لەبەر ئەوەی 16ی ئۆکتۆبەر، باشە 31ی ئابیش و دەیان مەسەلەی تریش ڕوییان داوە، لە شەنگالیش کاتی خۆی ئەو کارەساتە گەورە ڕویدا، ئەو بابەتە فەرماندە سەربازییەکان تەحەمولی دەکەن، پێویستی بەلیژنەی لێکۆڵینەوەیە نەک ئێمە بچینە سەر تەلەفزیۆن و یەکتر تەخوین بکەین، حاڵەتی ئێمە حاڵەتی یەکەمجار نیە ئەو شتانە ڕودەدات، ڕاستە ئێمە ڕکابەری یەکین بەس دوژمنی یەک نین بەخیانەت لە قەڵەمدانی یەکتر کاری دوژمنە".پێم وایە ئێستا لەسەر بابەتی کەرکوک کاک مەسعود دەتوانێت ڕۆڵ ببینێت کە بێت پارتی و یەکێتی کۆبکاتەوە

 

رونیشیکردەوە، "پێم وایە ئێستا لەسەر بابەتی کەرکوک کاک مەسعود دەتوانێت ڕۆڵ ببینێت کە بێت پارتی و یەکێتی کۆبکاتەوە و چارەسەرێک دابنێت کە بگونجێت لەگەڵ دۆخی یەکێتی لەکەرکوک و چوارچێوەیەکیش دابنێت بۆ پێکەوە ئیشکردن".








نیشانەکردن



زۆرترین






ڤیدیۆ- وێنە





Trending