English | عربي

ناسا: بایی 10,000,000,000,000,000,000 دۆلار زێڕمان دۆزیوەتەوە


ناسا: بایی 10,000,000,000,000,000,000 دۆلار زێڕمان دۆزیوەتەوە

2019/06/27 | 22:25

(هەواڵ كوردستان)-

ئەمڕۆ پێنجشەممە ئاژانسی ئاسمانیی ناسا هەواڵێكی سەرنجڕاكێشی بڵاو كردەوە بەوەی رایگەیاند گەشتێك بەرەو هەسارۆكەیەك دەستپێدەكەن كە بایی 10 ملیار ملیار دۆلار زێڕ و پلاتینیۆمی تێدایە.

بەگوێرەی تۆڕی هەواڵی (سكای نیوز)، ناسا لە راپۆرتێكدا ئاشكرای كردووە كە پلانێكیان هەیە بۆ جێبەجێكردنی ئەركی گەیشتن بە هەسارۆكەیەكی گەورە لەنێو كۆمەڵەی خۆردا، كە بڕێكی زۆر لە كانزای گرانبەهای لەخۆگرتووە، لەوانەش زێڕ و پلاتینیۆم.

ناسا ناوی هەسارۆكەكەی ئاشكرا كردووە كە بریتیە لە هەسارۆكەی "سايكی 16"، ئەو بڕە زێر و كانزایەی لەنێو ئەو هەسارۆكەیەدا هەیە، بەسە بۆ سەراوژێركردنی ئابووریی هەسارەی زەوی.

ناسا بڕیاری داوە لە هاوینی 2022ەوە دەست دەكات بە كاركردن بۆ گەیشتن بەو هەسارۆكەیە و چاوەڕێ دەكرێت لە ساڵی 2026دا كەشتیە ئاسمانیەكانی لەسەر هەسارۆكەكە بنیشنەوە.

جێی باسە هەسارۆكەی سايكی 16 یەكێكە لە 10 هەسارۆكەی گەورە لە كەمەرەی هەسارۆكەكان و تیرەكەی لە 200 كیلۆمەتر زیاترە و لە ساڵی 1852دا دۆزراوەتەوە.

هەسارۆكەكە كەوتووەتە ناوچەیەك لە نێوان هەردوو هەسارەی مەریخ و موشتەری، پێشبینی دەكرێ لە كاتی تەقینەوە گەورەكەی قۆناخی پێكهاتنی سیستەمی خۆردا دروست بووبێت.

بە گوێرەی رۆژنامەی (زە سەن)ی بەریتانی، هەسارۆكەكە بایی 10,000,000,000,000,000,000 دۆلار (واتە 10 كوانتیلیۆن دۆلار) زێر و پلاتینیۆم و ئاسن و نیكلی تێدایە.








نیشانەکردن



زۆرترین






ڤیدیۆ- وێنە





Trending