English | عربي

هه‌ولێر و به‌غدا له‌سه‌ر ئاساییكردنه‌وه‌ی دۆخی كه‌ركووك له‌ گفتوگۆدان


هه‌ولێر و به‌غدا له‌سه‌ر ئاساییكردنه‌وه‌ی دۆخی كه‌ركووك له‌ گفتوگۆدان

2019/06/28 | 22:20

(هەواڵ كوردستان)- K24 - هه‌ولێر:

شێخ جەعفەر مستەفا فەرماندەی هێزەکانی حەفتا بە کوردستان 24ی راگەیاند، پێنج لێژنەی فەرعی و لێژنەیەکی باڵا لە نێوان هەولێر و بەغدا پێکهاتوون و هەفتانە و مانگانە کۆدەبنەوە و گەیشتوونەتە ڕێککەوتن بۆ ئەوەی دۆخی کەرکووك ئاسایی بکرێتەوە. 

ئه‌و فه‌رمانده‌یه‌ی هێزی پێشمه‌رگه‌، گوتیشی: "لە ماوەیەکی کورتدا لە کەرکووك زۆر شت دەگۆڕێت".

لە بەرامبەریشدا سیروان بارزانی فەرماندەی میحوەری مەخموور و گوێڕی هێزی پێشمەرگه ئاشکرایکرد، گفتوگۆ لە نێوان هەولێر و بەغدا هەیە، بەڵام بەغدا هیچ بەڵێنێکی بە هەولێر نەداوە تا پێشمەرگە بگەڕێتەوە.

ماوەیەکە قسە و باسەکان لە بارەی گەڕانەوەی هێزەکانی پێشمەرگە بۆ کەرکووك و ناوچە كوردستانییه‌كانی ده‌ره‌وه‌ی ئیداره‌ی هه‌رێم، گەرمتر و گەرمتر بوون، بە تایبەتیش کە یەکێك لە مەرجەکانی پارتی بۆ ئاساییکردنەوەی دۆخی کەرکووك ئەو  پرسەیە و لە گفتوگۆکانی پارتی و یەکێتیشدا یەکێکە لە خاڵە جێناکۆکە سەرەکییەکان.

یەکێتی پێیوایە پرۆسەی گەڕانەوەی پێشمەرگە هێندەی نەماوە بە ئەنجامبگات و لەماوەیەکی نزیکیشدا بە ئەنجامدەگات.

پارتی کە لە دوای رووداوەکانی 16ی ئۆکتۆبەرەوە لە کەرکووك نەماوە، ماوەیەکی زۆرە مەرجی گەڕانەوەی بۆ ئەو شارە بە ئاسایيکردنەوەی دۆخ و گەڕانەوەی پێشمەرگەوە دەبەستێتەوە.

بەڵام ئەندامێکی سەرکردایەتی ئەو حزبە کە لە هەمان کاتدا سەرکردەیەکی سەربازیشە رەتیدەکاتەوە بەغدا هیچ بەڵێنێکی لەو بارەیەوە دابێت.

نزیك بە دوو ساڵە هێزەکانی پێشمەرگە و ئاسایش لە کەرکووك و ناوچە كوردستانییه‌كان دوورن و رۆژ بە رۆژیش دۆخی ئەو ناوچانە خراپترە، کوردستان 24 زانیویەتی لەلایەن نەتەوە یەکگرتووەکانیشەوە ئێستا فشار کەوتووەتە سەر بەغدا تا دۆخی کەرکووك بکاتەوە بە دۆخی شارێك کە دووربێ لە سیمای سەربازی.








نیشانەکردن



زۆرترین






ڤیدیۆ- وێنە





Trending