English | عربي

جۆتیارێن شنگال ل بازارێ دەخلۆدانێ‌ خوە دفرۆشن


جۆتیارێن شنگال ل بازارێ دەخلۆدانێ‌ خوە دفرۆشن

2019/06/30 | 11:20

(هەواڵ كوردستان)-

رێڤەبەرێ‌ سایلۆیا شنگال دیاركر:" هندەك ژ جۆتیارێن شنگال دەخلۆدانێ‌ خوە نابەنە سایلۆیا تەلەعفەر، ل بازارێ دەخلۆدانێ‌ خوە دفرۆشن چونكو ل سرا سایلۆیێ‌ دا تووشی ئاریشەیان دبن".

 

غازی ئلیاس،  رێڤەبەرێ‌ سایلۆیا شنگال بۆ (باسنیوز) دیاركر:" ئەو جۆتیارێن  شنگال یێن دەخلۆدانێ خوە برینە سایلۆیا تەلەعفەر ب كێماسی بۆ دەمێ‌ 15 رۆژان دسرایێ دا دمینن، تووشی گەلەك كێشەیان دبن چونكو دەمێ‌ پێنچ رۆژ ژ سرایێ ببۆرن ژی وێڤە پارە ژ جۆتیاران دهێتە وەرگرتن ئەڤە ژی بیتە بارگرانی لسەر جۆتیاران.

ئەڤە چەند سالن ئەم هەولدەن سایلۆیا شنگال بهێتە نوژەنكرن داكو جۆتیارێن شنگال ژ ڤان كێشەیان رزگاربن لێ‌ هەتا نۆكە چو بەحسێ نوژەنكرنا سایلۆیا شنگال نینە.

ئەڤ سالە ژ نەچاری جۆتیارێن شنگال گەنمێ‌ خوە برنە تەلەعفەر و مشرفیە".

 

خویا ژی كر:" جۆتیارێن شنگال گەلەك كێم گەنمێ‌ خوە دبەنە تەلەعفەر، پتریا جۆتیاران ل بازارێ ئازاد دەخلۆدانێ‌ خوە دفرۆشن وپارێ خوە ئێكسەر وەردگرن.

ئەڤ سالە ژی گەلەك دەخلۆدانێ جۆتیارێن شنگال هاتیە سۆتن.

رێژەكا گەلەك كێم جۆتیارێن شنگال دەخلۆدانێ‌ خوە بۆ مشرفیە و تەلەعفەر ڤەدگوهێزن یێن دیتر ل بازارێ ئازاد دفرۆشن".








نیشانەکردن



زۆرترین






ڤیدیۆ- وێنە





Trending