English | عربي

پولیسێن دهۆكێ 2 بكوژان و بانده‌كێ دزیكه‌ران ده‌سته‌سه‌ر دكه‌ن


پولیسێن دهۆكێ 2 بكوژان و بانده‌كێ دزیكه‌ران ده‌سته‌سه‌ر دكه‌ن

2019/07/01 | 17:15

(هەواڵ كوردستان)-  

به‌رپرسێ پشكا په‌یوه‌ندى و راگه‌هاندنێ ل رێڤه‌به‌ریا گشتى یا پولیسێن پارێزگه‌ها دهۆكێ ئه‌ڤرۆ كونگره‌یه‌كێ رۆژنامه‌ڤانى دا هند رویدانێن رۆژێن بورى ئاشكرا كرن كو ژ گرنگه‌ وان رویدانان(2) تاوانێن كوشتنێ و بكوژێن وان دگه‌ل بانده‌كێ دزیكه‌ران هاتن ئاشكرا كرن.

موقه‌دم، هێمن سلێمان، به‌رپرسێ پشكا په‌یوه‌ندى و راگه‌هاندنا پولیسێن پارێزگه‌ها دهۆكێ ئه‌و چه‌نده‌ ژى دیاركر: ل رێكه‌فتى 21/6/2019 ل ده‌مژمێر (3:00) ئێڤارى، پولیسێن مه‌ هاتنه‌ ئاگه‌هدار كرن ب هه‌بونا (كه‌له‌خه‌كێ) ل كومه‌لگه‌ها خانكێ ل سنورێ پارێزگه‌ها دهۆكێ، پشتى ئه‌فسه‌ر و پولیسێن مه‌ ڤه‌كولینا خو ئه‌نجام داى دیار بو كو كه‌سه‌ك ب ناڤێ (ئه‌كره‌م حه‌سه‌ن) دژیێ (38) سالیێ دایه‌ و هاتیه‌ كوشتن و هه‌مان كه‌سێ هاتى كوشتن ئاكنجیێ سه‌نته‌رێ باژێرێ دهۆكێ بو و كه‌له‌خ ژلایێ مه‌ڤه‌ بو نوژداریا داد ل دهوكێ هاتبو ره‌وانه‌كرن بو زانینا ئه‌گه‌رێ دروست یێ گیان ژ ده‌ستدانا وى".

گوت ژى: "هه‌ر د وێ رۆژێ دا رۆژا مه‌ ته‌رم دیتى ب ده‌مێ شه‌ڤێ مه‌ (3) كه‌س ب ئه‌گه‌رێ كوشتنا وى كه‌سى ده‌سته‌سه‌ركرن و پشتى ڤه‌كولینێ دیار بو (2) كه‌س د بێ گونه‌ه بون و كه‌سێ دیتر بكوژێ (ئه‌كره‌م حه‌سه‌نى) بو و دیار كر: هه‌ڤژینا وى كه‌سێ گیانێ خو ژ ده‌ست داى ژى ده‌ست دگه‌ل تاوانێ هه‌بویه‌ و په‌یوه‌ندیێن (سوزداریێ) دگه‌ل كه‌سه‌كێ دیتر هه‌بویه‌ له‌ورا داخاز ژ بكوژى كربو هاریكار بیت ب كوشتنا هه‌ڤژینێ خو له‌ورا هه‌ڤژینا وى ژى هاتیه‌ ده‌سته‌سه‌ركرن وتاوانباران دانپێدان ب تاوانا خو كریه‌ و ل دیڤ به‌ندێ (406) تاوانبار دێ هێنه‌ دادگه‌هكرن".

هه‌مان به‌رپرسى باس ل تاوانه‌كا دیتر كر و دیار كر: "ل رێكه‌فتى 9/6/2019 پولیسێن مه‌ ژ لایێ هاولاتیه‌كێ ڤه‌ هاتن ئاگه‌هداركرن كو (زه‌لامه‌ك و هه‌ڤژینا) خو قه‌ستا باژێرێ موویسل كریه‌ و دیار نه‌مانه‌ له‌ورا بو مه‌ گومان دروست بو كو رویدانه‌كا كوشتنێ ب سه‌رێ وان هاتبیت و مه‌ هه‌ماهه‌نگى دگه‌ل پولیسێن موویسل دروستكرن دیار بو كو ژنه‌ك ل سه‌نته‌رێ موویسل دا هاتیه‌ كوشتن پشتى پولیسێن موویسل وێنه‌ بو مه‌ هنارتین دیار بو ئه‌و ژنه‌ یه‌ ئه‌وا دگه‌ل هه‌ڤژینێ خو به‌رزه‌ دویڤ دا مه‌ ب هه‌ماهه‌نگیێ پولیسێن موویسل بكوژێ وێ ژنێ كو هه‌ڤژینێ وێ بخو بویه‌ دیار كر و پولیسێن مه‌ ب چه‌ند رێكێن تایبه‌ت شیان بكوژى ژ موویسل به‌ره‌ڤ هه‌ولێرێ بینن ول هه‌ولێرێ ده‌سته‌ سه‌ر كر و ڤه‌گوهاسته‌ دهۆكێ و پشتى دانپێدانا وى دوپاتكر كو ئه‌وى هه‌ڤژینا خو ل موویسل ب گوللێن ده‌بانجێ كوشتیه‌ و لدیڤ به‌ندێ (405) بو دادگه‌هێ هاتیه‌ ره‌وانه‌كرن".

ژلایه‌كێ دیتر ڤه‌، هه‌مان به‌رپرسى باس ل تاوانا (3) كر و ئاشكرا كر: ل رێكه‌فتى 17/6/2019 دوو كه‌سێن ب ره‌گه‌ز عه‌ره‌ب سه‌ره‌دانا نڤیسنگه‌ها نه‌هێلانا گونه‌هباریان كریه‌ و دیار كریه‌ كو چه‌ند كه‌سه‌كان زێده‌تر ژ (50) هزار دولاراێن وان ب زورى ژ وان وه‌رگرتینه‌ و ره‌ڤینه‌ پشتى كو ئه‌و كه‌سێن كارێ دزیێ ئه‌نجام داى و هه‌ردوو كه‌سێن عه‌ره‌ب رێكه‌فتین (مامه‌له‌یێ ب پارێ بلوك كرى) بكه‌ن و پولیسێن مه‌ شیان وان هه‌ر (3) كه‌سان ده‌سته‌ سه‌ر بكه‌ن ئه‌وێن (50) هزار دولارێن كه‌سێن عه‌ره‌ب دزین ودیسان هه‌ردوو كه‌سێن عه‌ره‌ب ژى هاتن ده‌سته‌سه‌ركرن ژ به‌ر كو تاوانبار بون و ژڤان بو مامه‌له‌یێ ب پارێ بلوكرى بكه‌ن.








نیشانەکردن



زۆرترین






ڤیدیۆ- وێنە





Trending