خەلكێ دهۆكێ ئەڤسالا سێ ملیار و 320 ملیۆن دیناران زەرمەند بووینە
بەرپرسێ راگەهاندنێ ل رێڤەبەریا بەرەڤانیا باژێرێ پارێزگەها دهۆكێ دیار كر ئەڤسالا ل سەرانسەری پارێزگەها دهۆكێ ژبەر روودانیێن ئاگربەربوونێ، ب گوژمێ سێ ملیار و 320 ملیۆن دیناران زیانیێن دارایی یێن گەهشتینە وەلاتیان.
بیوار عەبدالعەزیز، بەرپرسێ راگەهاندنێ ل رێڤەبەریا بەرەڤانیا باژێری پارێزگەها دهۆكێ بۆ (باسنیوز) دیار كر:" ئەڤسالا سیێ هزار و 686 روودانیێن ئاگربەربوونێ هاتینە تۆماركرن، ژوانا ژی 84 روودان ژ ئەنجامێ لەهیان بووینە و پتر ژ دوو هزار و 600 روودانیێن سووتنا پێش و پەلاخێ بووینە و32 كەس ئاڤێدا خەندقینە و 29 كەس ژ خەندقینی هاتینە قورتالكرن و 9 كەسان ژ ئەگەری روودانیێن سووتنێ گیانی خوە ژدەست داینە و 25 كەس ژی ب روودانیێن سووتنێ بریندار بوینە و ئەڤسالا 7 پۆلیسین ئاگرڤەمراندنێ ژی روودانیێن سووتنێ بریندار بووینە و پێنچ هزار و 29 كەس ژی بەشدار خۆل و سمینارێن هەمە جۆر بووینە".
خۆیا ژی كر كو ئەڤسالا هەر ژ رۆژا 1/1/2019 هەتا ئەڤرۆ 29/12/2019 ل سەراسنەرێ پارێزگەها دهۆكێ خەلکی ژ ئەنجامێ روودانیێن ئاگربەربوونێ، ب گوژمێ سیێ ملیار و 320 ملیۆن دیناران زەرمەند بووینە".