English | عربي

پێشمەرگەیەک دەستڕەنگین بە کەلوپەلی سەرەتایی هونەرێکی ناوازە پێشکەش دەکا


پێشمەرگەیەک دەستڕەنگین بە کەلوپەلی سەرەتایی هونەرێکی ناوازە پێشکەش دەکا

2019/07/05 | 18:45

(هەواڵ كوردستان)-

سەروان عیسا تەمەن 31 ساڵ، پێشمەرگەیەکی دانیشتووی شارۆچکەی پیرمامە لە سنووری هەولێر، ئەو دەڵێت کە خولیای زۆری بۆ ژینگە و ناوچە شوێنەوارییەکانی کوردستان وایلێکردووە لەکاری دەستیدا ناوچەکانی کوردستان بنەخشێنێت.

 

سەروان بۆ (باسنیوز) گوتی:" كارەكانم زیاتر گوزارشت لە سروشتی كوردستان و مێژووی كوردستان دەكەن، وە تا ئێستا چەندین شوینەواری كوردستانم بە بچوكراوەی دروست كردووە، ئەمە جگە لەوەی کە شوێنەواری دارستان و چیام بە بچوكراوەیی دروست كردووە و بەشداری 5 پێشانگەی تیابەتیم کردووە و پێشانگەیەکی تایبەت بە کارەکانی خۆشمم کردۆتەوە چەندین دیزاینی خان و پردیشم دروست كردووە".

 

گوتیشی: " ئامانجم ئەوەیە کە لە رێگەی پێشمەرگایەتییەوە خزمەت بە خاکی پیرۆزی کوردستانبکەم".

 

ئاشکرای کرد، چۆنیەتی دروستكرنی كارەكانی لە رووی كەرەستە و كات جیاوازە، دار و فوم و بۆرەك و هاراوەی دار و بەرد ......

هتد، هەموو ئەو کەرەستانەن کە لە کارەکانیدا بەکاریان دەهێنێ و هەندێك لەكارەكانی وەك شوێنەوارەكان كاتی زۆری پێویستە و دەبێت سەردانی شوێنەكە بکات بۆ ئەوەی بتوانێ بەشێوازێكی جوان دروستیان بکات.

 

سەروان باسی لە ئەوەش کرد، لە ساڵی 2017 بە جلی پێشمەرگایەتی و بەناوی پێشمەرگەوە بەشداری "پێشانگەی رۆژهەڵاتی ناوەراست بۆ گەشتیاری" بووە کە لەشاری هەولێر بەڕێوەچووە و هەروەها خەڵاتی رێزلێنانی پێ بەخشراوە لەلایەن دەستەی گشتی گەشتوگوزاری هەرێمی کوردستان، هەروەها لە ساڵی 2018 لە بەرێوبەرایەتی گشتی پۆلیسی هەرێم من بەناوی پێشمەرگەوە بەشداری پێشانگەی هاوبەشی (هیزەکانی پێشمەرگە و پۆلیس و گروپی ماموستایان)ی کردووە و خەڵاتی رێزلێنانی پێ بەخشراوە لە لایەن بەریوەبەری گشتی پۆلیسی هەرێمەوە، هەروەها وەزارتی پێشمەرگە خەڵاتی رێزلێنانی پێ بە خشیوە کە بۆ یەکێک لە گرینگترین ئەو خەڵاتانەی دەزانێت تا ئستا پێی بەخشراوە.








نیشانەکردن



زۆرترین






ڤیدیۆ- وێنە





Trending