English | عربي

كاره‌با دهۆكێ وه‌كو هه‌ولێر و سلێمانیێ لێ هات


كاره‌با دهۆكێ وه‌كو هه‌ولێر و سلێمانیێ لێ هات

2019/07/06 | 16:35

(هەواڵ كوردستان)- رۆژانه‌ دێ ملیۆنه‌ك و 200 هزار لیترێن گازوایلێ بۆ دهۆكێ هێنه‌ دابینكرن

رێڤه‌به‌رێ گشتیێ كاره‌با پارێزگه‌ها دهۆكێ راگه‌هاند، ئێدى رۆژانه‌ دێ ملیۆنه‌ك و 200 هزار لیترێن گازوایلێ بۆ وێستگه‌هێن كاره‌بێ ل دهۆكێ هێنه‌ دابینكرن و كاره‌با نشتیمانى یا دهۆكێ دێ وه‌كو هه‌ولێر و سلێمانیێ لێ هێت.

ئه‌ندازیار محه‌مه‌د سالح، رێڤه‌به‌رێ گشتیێ كاره‌با پارێزگه‌ها دهۆكێ د كۆنگره‌یه‌كێ رۆژنامه‌ڤانى د راگه‌هاند، ل گۆره‌ى بریارا حۆكمه‌تا هه‌رێما كوردستانێ، ژ ئه‌ڤرۆ و وێڤه‌ پارێ كاره‌با موه‌لیده‌یان ل دهۆكێ دێ وه‌كو هه‌ولێر و سلێمانیێ بیت و ئه‌گه‌ر موه‌لیده‌یێن دهۆكێ زێده‌تر ژ پارێزگه‌هێن دى كاره‌بێ بده‌ن ژى، دێ ژلایێ حۆكمه‌تێ ڤه‌ هێنه‌ قه‌ره‌بووكرن و كاره‌با نشتیمانى ژى دێ وه‌كو هه‌ردوو پارێزگه‌ها لێ هێت و ئه‌ڤه‌ چوار رۆژه‌ رۆژانه‌ نێزیكى 16 ده‌مژمێران و 21 ده‌قیقا كاره‌با نشتیمانى ل دهۆكێ هه‌یه‌.

ئاشكرا ژى كر، ئه‌ڤه‌ قه‌ره‌بوویا نها دهێته‌ كرن دێ یا به‌روه‌خت بیت هه‌تا كو پرۆژه‌یێ كێشانا هێلا كاره‌بێ ژ هه‌ولێرێ بۆ دهۆكێ ب دووماهى دهێت و ماوێ پرۆژه‌ى 150 رۆژن و نها ده‌ستبكاربوویه‌ و ئێدى چو جوداهى دناڤبه‌را چو پارێزگه‌ها دا ناهێته‌ كرن و ئێدى دێ رۆژانه‌ ژى ملیۆنه‌ك و 200 هزار لیترێن گازوایلێ بۆ وێستگه‌هێن كاره‌بێ ل كۆمه‌لگه‌ها كاشێ ل دهۆكێ هێنه‌ دابینكرن و كاره‌با پێدڤى دێ هێته‌ دابینكرن.








نیشانەکردن



زۆرترین






ڤیدیۆ- وێنە





Trending