English | عربي

103 ملیار دینار بۆ پرۆژه‌یێن دهۆكێ دهێنه‌ ته‌رخانكرن


103 ملیار دینار بۆ پرۆژه‌یێن دهۆكێ دهێنه‌ ته‌رخانكرن

2019/07/07 | 21:45

(هەواڵ كوردستان)-

حكومه‌تا هه‌رێما كوردستانێ كۆژمێ 103 ملیار دیناران بۆ ئه‌نجامدانا پێنچ پرۆژه‌یێن ستراتیژى ل پارێزگه‌ها دهۆكێ ته‌رخانكرن و ژ وان سێ ئۆڤه‌رپاسن ل سه‌ر جادا 100 مه‌ترى و دو پرۆژه‌یێن جاده‌یانه‌ و هه‌موو د ئێك ده‌م دا دێ هێنه‌ چێكرن.

فه‌رهاد ئه‌ترووشى، پارێزگارێ دهۆكێ د كۆنگره‌یه‌كێ رۆژنامه‌ڤانى دا دیار كر، ئه‌ز پیرۆزباهێى ل خه‌لكێ دهۆكێ دكه‌م، ژ به‌ركو ئه‌ڤه‌ ئێك ژ وان پرۆژه‌یێن گرنگ بوو و ئه‌ڤه‌ ماوێ سێ سالانه‌ ئه‌م كار ل سه‌ر دكه‌ین و ب رێیا وه‌زاره‌تێن په‌یوه‌ندیدار و سه‌رۆكێ هه‌رێمێ و سه‌رۆكێ حۆكمه‌تێ، بریار ل سه‌ر ئه‌نجامدانا پێنچ پرۆژه‌یێن ستراتیژى ل پارێزگه‌ها دهۆكێ و كۆژمێ 103 ملیار دیناران بۆ ڤان پرۆژه‌یان هاتینه‌ ته‌رخانكرن و گۆت: گرنگیا پرۆژه‌ی بۆ باژێرێ دهۆكێ و كێمكرنا قه‌ره‌بالغێ دیاره‌ و داخاز ژ رێڤه‌به‌ریێن په‌یوه‌ندیدار كرن هه‌فكار بن بۆ سه‌ركه‌فتنا كارێ بجهئینانا ڤان پرۆژه‌یان.

 

د پرێس كونفرانسی دا، پارێزگه‌رێ دهۆكێ دیار كر، ژ مێژه‌ كار ل سه‌ر بجهئینانا ڤی پرۆژه‌ی دهێته‌ كرن و ب سوپاسی ڤه‌ به‌ری هه‌یامه‌كی نێچیرڤان بارزانی سه‌روكێ حكومه‌تا هه‌رێمێ رازه‌مه‌ندی ل سه‌ر مه‌زاختنا پارێ پێدڤی كو دبیته‌ 103 ملیار دینار بۆ پروژه‌ی دیار كر و بریار هاته‌ دان ئه‌ف كوژمه‌ بۆ پرۆژه‌ی بهێته‌ دابینكرن و گۆت: ئه‌ڤ پرۆژه‌ دێ بیته‌ ئه‌گه‌رێ نه‌هێلانا قه‌ره‌بالغێ ل سه‌ر جادا سه‌د مه‌تری و هاتن و چون ب ساناهی هێته‌ كرن.

 

ژلایێ خوڤه‌ رێڤه‌به‌رێ هاتنو چونێ دیار كر كو ئه‌و وه‌كو رێڤه‌به‌ری دێ دگه‌ل بجهئینانا كاری بن رۆژانه‌ و پشتی ب دووماهیك هاتنا ڤی پروژه‌ی رێژا 75% قه‌ره‌بالغ دێ ل سه‌ر وێ جادێ كێم بیت و دێ شوفێر ب شێوه‌كێ به‌رچاڤ مفایی ژێ وه‌رگرن.








نیشانەکردن



زۆرترین






ڤیدیۆ- وێنە





Trending