هەواڵی کوردستان ئێستا

شەفەق نیوز/ ئمڕوو پەنجشەممە، حەشد شەعبی ئامار نوویگ راگەیان لە وەخاکسپاردن مردگەیل پەتای کۆرۆنا لە ماوەی ٢٤ ساعەت وەرین، لە قەورسان وادی سەلام نوو لە نەجەف.
عەبدلحەسەن حەیدەری وەرپرس نووسینگەی فیرقەی جەنگاوەری ئیمام عەلی لیوای دوویەم حەشد شەعبی، لە بەیاننامەیگ ك رەسیە ئاژانس شەفەق نیوز وت؛ خۆبەخشەیل فیرقەگە و به‌ش پزشکی حەشد شەعبی ، لە ماوەی ٢٤ ساعەت وەرین، تەرم ٧٠ مردگ نوو وە کۆڕۆنا لە قەورسان وادی سەلام نوو لە نەجەف وه‌خاكسپاردن ک تایبەتە وەخاکسپاردن مردگەیل پەتای کۆڕۆنا.
ودیاری کرد ک ٧٠ مردگەگە وەیجوورە بەشەو بوینە؛ بەغداد پایتەخت ٤٧ ، نەجەف ٢ ، زیقار ٩ ، بابل ٣، میسان ٣، دیوانیە ٢ ، ویەک مردگ لە واسیت، ویەکیگ لە دیالە، ویەکیگ لە ئەنبار، ویەکیگ لە موسەنا.