English | عربي

داوا دەكرێت زمانی كوردی بەفەرمی بخرێتە سیستەمی پەروەردەی ئێران


داوا دەكرێت زمانی كوردی بەفەرمی بخرێتە سیستەمی پەروەردەی ئێران

2019/07/09 | 22:05

(هەواڵ كوردستان)- ژمارەیەك نووسەر و لێكۆڵەری بەشداربوو لە كۆنگرەی ناودارانی كورد داوایان لە سەرۆكی كۆماری ئیسلامی ئێران كرد، زمانی كوردی بە فەرمی بخاتە ناو سیستەمی پەروەردەی ئێران.

ئەمڕۆ سێشەممە ژمارەیەك لەو نووسەرو توێژەرانەی لە كۆنگرەی ناودارانی كورد لە سنە رێزیان لێگیرا، نامەیەكیان ئاراستەی حەسەن رووحانی كرد و تێیدا داوایان كردووە، لە قوتابخانەكانی رۆژهەڵاتی كوردستان بە رەسمی زمانی كوردیی بخوێندرێت.

نامەكە لە لایەن هەریەك لە كەلیموڵڵا تەوەحدی، مەزهەری خالقی، ئەنوەر قەرەداغی، شارام نازری، كەیهان كەلهورو كوردستان موكریانی واژوو كراوە.

پێشتریش لە كۆنگرەی ناودارانی كورد، كە هەفتەی رابردوو لە شاری سنە بەڕێوەچوو، داوا كرا زمانی كوردی بخرێتە پرۆگرامی خوێندنەوە و لە قوتابخانەكاندا لە پاڵ زمانی رەسمی ئێران، كە فارسییە بخوێندرێت”.

كۆماری ئیسلامی ئێران ئەگەرچی رێگڕی نەكردووە لەئاخاوتن بەزمانی كوردی و زمانی كوردی ئازادە، بەڵام بەفەرمی لەناو سیستەمی پەروەردەی ئەم وڵاتەدا نییە.








نیشانەکردن



زۆرترین






ڤیدیۆ- وێنە





Trending