هەواڵی کوردستان ئێستا

یاساییه‌گ پەرلەمان کوردستان ، ووردەکاری هاوردنەوەی پارێزبەندی (عومەر) ئاشکرا کەێد
شەفەق نیوز/ پەژار کۆچەر وەرپرس دەسەی یاسایی لە پەرلەمان کوردستان، ئمڕوو جومعە، بڕیارەگەی سەرۆک پەرلەمان وە نا یاسایی دانا، لە هاوردنەوەی پارێزبەندیەگە ئەرا سۆران عومەر ئەندام کۆمەڵ ئیسلامی.
کۆجەر لە بەیاننامەیگ ك رەسیە ئاژانس شەفەق نیوز وت: لە روژ ٧ ئایار وەرین، پەرلەمان کوردستان دانیشتنیگ بەسا و ٥٧ ئەندام لەتی دەنگدان لەبان لاوردن پارێزبەندی سۆران عومەر، وئی دانیشتنە وەگورەی یاسایل سیستم ناوخۆیی گشت مەرجە یاساییەگان گردە خوەیەو لە لایەن رێژەی یاسایی و میکانزم دەنگدان.
وتیش؛ دویای ئەوە ئەو پەرلەمانتارە ناوهاوریاگە داوای رەتکردن بڕیارەگە کرد، ودویای چەن کۆبونەو و دانوستانیگ، سەرۆک پەرلەمان لایەن بیده‌نگی گرد، چوونکە خوەی خاس زانێد ک بڕیار لاوردن پارێزبەندیەگە یاساییە، و ئەوەگ سەرساممان کردگە ک لە روژ ١٤/٦/٢٠٢٠ سەرۆک پەرلەمان بڕیاریگ وە هاوردنەوەی پارێزبەندیەگە دەرکرد، وەشیوەیگ ک هیچ رەنگیگ یاسایی وەپیەو نیە.
کۆچەر دیاری کرد؛ ک بڕیارەگەی سەرۆک پەرلەمان وەرجە گشت چشتیگ فرە هەڵەی ئاشکرا و گەورا هاناوی، لە لایەن شیوە وباوەتی، ک پێشبینی نه‌ئه‌كریا لە کەسایەتییگ یاسایی.
ئومێد خوەشناو وەرپرس فراکسیۆن پارت دیموکرات کوردستان لە پەرلەمان کوردستان ئی بڕیاره‌ رەتکرد، ووت نه‌بایەس بڕیارەگەی پەرلەمان وە لاوردن پارێزبەندیەگە پێشیل بکریەێد.
عومەر تومەتبار مەسرور بارزانی سەرۆک وەزیران هەرێم کوردستان کرد، گوایە خاوەن بانک و کۆمپانیایگە، وەلی نووسینگەی راگەیاننەگەی داوا لە عومەر کرد ک بەڵگە لەبان تومەتەگانی بخەێدە وەردەس، یا وەرپرسایەتی یاسایی لەبان فریودان رای گشتی هەڵگرێد.