English | عربي

بەڤیدیۆ..بەرپرسێکی قایمقامیەتی سلێمانی چاڵنجێکی جیاواز رادەگەیەنێت


بەڤیدیۆ..بەرپرسێکی قایمقامیەتی سلێمانی چاڵنجێکی جیاواز رادەگەیەنێت

2019/07/10 | 20:20

(هەواڵ كوردستان)- خەندان-لەهەڵمەتێکی ژینگەدۆستیدا و لەپێناو زیاتر بەژینگە دۆستکردنی پارێزگای سلێمانی، بەرپرسێکی قایمقامیەتی ئەو شارە چاڵنجێک رادەگەیەنێت و داوا لە دو بەپرسی دیکەی سلێمانی دەکات درێژە بە هەڵمەتەکە بدەن.

هەڤاڵ ئەبوبەکر، پارێزگاری سلێمانی و دیار لەتیف بەرێوەبەری ژینگەی سلێمانی رادەسپێرێت بۆ درێژەدان بە هەڵمەتەکە

 

گۆران قادر، سەرۆکی لیژنە هاوبەشەکانی قەزای مەڵبەندی سلێمانی، لە پەیامێکی ڤیدیۆیدا چالنجێک بۆ جیاکردنەوەی خاشاک رادەگەیەنێت و لە ماڵەکەی خۆیەوە دەستپێدەکات، هاوکات هەر یەکە لە هەڤاڵ ئەبوبەکر، پارێزگاری سلێمانی و دیار لەتیف بەرێوەبەری ژینگەی سلێمانی رادەسپێرێت بۆ درێژەدان بە هەڵمەتەکە.

لە ئێستادا، کەمێک بە چروپرتر کار لەسەر بواری ژینگە دەکەین

 

سەرۆکی لیژنە هاوبەشەکانی قەزای مەڵبەندی سلێمانی، سەبارەت بەو ئاڵنگاریە بە خەندان-ی راگەیاند، ئێمە لە سۆنگەی ئەو ئەرک و بەرپرسیاریەتەی لەسەر شانمانە، بەشێک لە ئەرکەکانمان تایبەت کردوە بە بواری ژینگە، پێشتریش ئەو ئەرکانەمان رادەپەڕاند، بەڵام لە ئێستادا، کەمێک بە چروپرتر کار لەسەر بواری ژینگە دەکەین".

لەم ماوەیەدا زنجیرەیەک هەنگاو لەبواری ژینگەییدا نراوە

 

گۆران قادر ئاماژەشی بەوەدا، لەم ماوەیەدا زنجیرەیەک هەنگاو لەبواری ژینگەییدا نراوە، بەمەبەستی ئەوەی ئەوانیش هۆکارێک بن و جێگاپەنجەیەکیان هەبێت لە پاراستنی ژینگەی شاری سلێمانی.

 لەگەڵ چەند گروپێک و رێکخراوێکی ژینگەدۆستیدا کۆبونەوەیان ئەنجامداوە

 

سەبارەت بەو هەڵمەتە ژینگەییە، سەرۆکی لیژنە هاوبەشەکانی قەزای مەڵبەندی سلێمانی رونیکردەوە، لەگەڵ چەند گروپێک و رێکخراوێکی ژینگەدۆستیدا کۆبونەوەیان ئەنجامداوە و لەگەڵ نوێنەری کۆمەڵەی چێشتخانە و شوێە گشتیەکانی  سنوری پارێزگای سلێمانی کۆبونەوەیان ئەنجامداوە.

هەماهەن بن لەگەڵ کۆمپانیاکانی کۆکردنەوەی خۆڵ و خاشاک

 

وتیشی" رێنمایمان بە چێشتخانە و شوێنە گشتیەکان داوە، کە کەرەستەی پلاستیکی لە خاشاک جیا بکرێتەوە، سەتڵی خۆڵی جیاواز بە لۆگۆ و رەنگی جیاوازی بۆ دابین بکەن، هەماهەن بن لەگەڵ کۆمپانیاکانی کۆکردنەوەی خۆڵ و خاشاک، بۆ ئەوەی ئەوانیش هەوڵبدەن میکانیزمێکی کرداری دەستپێبکەن لە پرۆسەی دوبارە بەکارهێنەنەوە و ریسایکڵکردنی کەرەستە پلاستیکی و شوشەییەکان".

سوتاندنی خاشاک لە شوێنی فرێدانی خاشک بەبێ جیاوازی زیان بە تەندروستی هاوڵاتی ئاسایی و بەرپرسەکانیش دەگەیەنێت

 

لەبەشێکی دیکەی وتەکانیدا سەرەرای داواکاریی لە هاوڵاتیان لە کەمکردنەوەی بەکارهێنانی "قاپ، کەوچک، چەتاڵی پلاستیکی و سفرەی سەفەری"  گرنگی ئەو هەنگاوەی رونکردەوە و ئاماژەی بەوەدا، کە ئەو کەرەتە پلساتیکیانە زەرەر بە ژینگە و ئاو هەوا دەگەیەنن، وتیشی" سوتاندنی خاشاک لە شوێنی فرێدانی خاشک بەبێ جیاوازی زیان بە تەندروستی هاوڵاتی ئاسایی و بەرپرسەکانیش دەگەیەنێت".

ئەگەر هەر کەسێک لە ئاستی خۆیەوە دەست بەم هەڵمەتە بکات، ئەوا پەیامەکەدا بڵاودەبێتەوە

 

لە پرسیارێکی خەنداندا کە ئایا دەستپێکردنی ئاڵنگاریەکی لەو جۆرە لە ماڵی بەرپرسەکانەوە کاریگەری پەیامەکە زیاتر دەکات یاخود نا؟ گۆران قادر وتی" بەدڵنیایەوە وایە، چونکە کۆی گەرەکەکانی شاری سلێمانی لە یەکە بە یەکی ماڵەکانەوە دەستپێدەکات، ئەگەر هەر کەسێک لە ئاستی خۆیەوە دەست بەم هەڵمەتە بکات، ئەوا پەیامەکەدا بڵاودەبێتەوە".

 ناو و ژمارەی زۆرێک لەو کارگانەیان بڵاوکردوەتەوە کە کاری ریسایکڵینگ دەکە

 

سەبارەت بە هەنگاوی دواتری ئەم چالێنجە و ریسایکڵکردنەوەی کەرەستەکان رایگەیاند، لەرێگەی پێگەی فەرمی رێکخراوی ژینگەدۆستیی لە فەیسبوک، ناو و ژمارەی زۆرێک لەو کارگانەیان بڵاوکردوەتەوە کە کاری ریسایکڵینگ دەکەن.








نیشانەکردن



زۆرترین






ڤیدیۆ- وێنە





Trending