English | عربي

هەڤاڵ ئەبوبەکر: چالێنجەکەم قەبوڵکردوە، نەک تەنها لە ماڵی خۆم لەناو بینای پارێزگای سلێمانیش جێبەجێی دەکەین


هەڤاڵ ئەبوبەکر: چالێنجەکەم قەبوڵکردوە، نەک تەنها لە ماڵی خۆم لەناو بینای پارێزگای سلێمانیش جێبەجێی دەکەین

2019/07/10 | 22:35

(هەواڵ كوردستان)- خەندان-دوای ئەوەی گۆران قادر، سەرۆکی لیژنە هاوبەشەکانی قەزای مەڵبەندی سلێمانی، لە پەیامێکی ڤیدیۆیدا چالنجێک بۆ جیاکردنەوەی خاشاکی راگەیاند و هەر یەکە لە هەڤاڵ ئەبوبەکر، پارێزگاری سلێمانی و دیار لەتیف بەرێوەبەری ژینگەی سلێمانی راسپارد بۆ درێژەدان بە هەڵمەتەکە، هەردو ناوبراو چالێنجەکەیان قەبوڵکردوە.

بڕیارمانداوە هەم لە ناو بینای پارێزگای بەڕێوەبەرایەتی پارێزگای سلێمانی، هەم لە ناو ماڵەکانی خۆماندا ئەو کارە جێبەجێ دەکەین

 

لەو بارەیەوە هەڤاڵ ئەبوبەکر بە خەندان-ی وت" ئێمە پێشنیازەکەی قەبوڵ دەکەین، و خۆشمان لەگەڵ کاک ئاوات(قایمقامی ناوەندی پارێزگای سلێمانی) جەختمان لەوە کردوەتەوە و پەسەندمان کردوە و بڕیارمانداوە هەم لە ناو بینای بەڕێوەبەرایەتی پارێزگای سلێمانی، هەم لە ناو ماڵەکانی خۆماندا ئەو کارە جێبەجێ دەکەین".

ئەو کارەساتەی تانجەرۆ دوبارە نەبێتەوە، کە بە هۆی تێکەڵاوکردنی جۆری خۆڵ و خاشاک بوە

پارێزگاری سلێمانی ئومێدەواریشە تەواوی خەڵکی سلێمانی هاوکاریان بێت لەو هەڵمەتەدا" تا ئەو کارەساتەی تانجەرۆ دوبارە نەبێتەوە، کە بە هۆی تێکەڵاوکردنی جۆری خۆڵ و خاشاک بوە".

ئەو کارگانەی کە بۆ ریسایکلین دایاندەمەزرێنن هانی هاوڵاتیان دەدات بۆ ئەوەی زیاتر گرنگی بەو هەڵمەتە بدەن

 

 

لەبەشێکی دیکەی وتەکانیدا داوای لە هاوڵاتیانی سنوری پارێزگای سلێمانی کرد، هاوکاری کارمەندانی ژینگەپارێز بن بۆ ئەوەی توشی کارەسات نەبن، وتیشی "ئەو کارگانەی کە بۆ ریسایکلین دایاندەمەزرێنن هانی هاوڵاتیان دەدات بۆ ئەوەی زیاتر گرنگی بەو هەڵمەتە بدەن".

ئومێدەوارم بەو جۆرە تاکەکەسیە نەڕوات

هەڤاڵ ئەبوبەکر، ئاماژەی بە ناوی ئەو کەسە نەدا کە رایدەسپێرێت بۆ بەردەوامیدان بە هەڵمەتەکە و وتی" لە ئێستادا پێشنیازەکەم قەبوڵکردوە، بەڵام ئومێدەوارم بەو جۆرە تاکەکەسیە نەڕوات".

دەبێت لە دامو دەزگاکانی پارێزگای سلێمانیدا بە ئیجباری جێبەجێ بکرێت

"ئەوە بڕیارێکە و داومانە، ئیداریە و خزمەتگوزاریە؛ دەبێت لە دامو دەزگاکانی پارێزگای سلێمانیدا بە ئیجباری جێبەجێ بکرێت، دەبێت لە کەرتی تایبەت و شوێنە گەشتوگوزاریەکاندا جێبەجێ بکرێت" هەڤاڵ ئەبوبەکر وای وت.

داواکاریمان لە هاوڵاتیانی بەڕێز ئەوەیە، بۆ سەرخستنی ئەم هەڵمەتە پشتیوانیمان بکەن

وتیشی" داواکاریمان لە هاوڵاتیانی بەڕێز ئەوەیە، بۆ سەرخستنی ئەم هەڵمەتە پشتیوانیمان بکەن، بە شێوەی تاکەکەسی زۆری پێدەچێت، ئومێدمان وایە لە کەمترین کاتدا زۆرترین کەس بەشداریی پێبکەین".

وا دو کارگەی ریسایکڵ لە بازیان و شارەزور بۆ ئەو مەبەستە دروست دەکرێن

سەبارەت بە قۆناغی دوای ئەو هەڵمەتە و بونی کارگەی ریسایکلین پارێزگاری سلێمانی وتی" قتوی خواردنەوە گازیەکان، کە ئەلەمنیۆمن دەنێردرێنەوە بۆ سەرچاوەکانی خۆیان و ریسایکڵ دەکرێنەوە، بۆ ئەو پاشماوەنەشی کە پلاستیکن، دو کارگەی ریسایکل لە بازیان و شارەزور بۆ ئەو مەبەستە دروست دەکرێن".

کارگەیەکی ریسایکلینگی گەورە، کە توانای بەرهەمهێنانەوەی وزەی هەیە

جەختیشی لەوە کردوە، بۆ پاشماوەی شوشە و خاشاکی دیکە ، کۆمپانیایەکی بەناوبانگی شاری سلێمانی لە سەروبەندی دامەزراندنی کارگەیەکی ریسایکلینی گەورەدایە، کە توانای بەرهەمهێنانەوەی وزەی هەیە"لایخۆشیەوە، دیار شێخ غەریب، بەڕێوەبەری ژینگەی سلێمانی بە خەندانی راگەیاند، پێشنیازەکەی گۆران قادر-ی پەسەند کردوە، لە زوترین کاتدا پەیامێکی ڤیدیۆیی بڵاودەکاتەوە.








نیشانەکردن



زۆرترین






ڤیدیۆ- وێنە





Trending