English | عربي

مەسرور بارزانی هیوای سەرکەوتن بۆ سەرۆکی تازەی پەرلەمانی کوردستان دەخوازێت


مەسرور بارزانی هیوای سەرکەوتن بۆ سەرۆکی تازەی پەرلەمانی کوردستان دەخوازێت

2019/07/11 | 19:40

(هەواڵ كوردستان)- پەیامێکی پیرۆزبایی ئاراستە دەکات

مەسرور بارزانی، سەرۆکوەزیرانی هەرێمی کوردستان پەیامێکی پیرۆزبایی ئاراستەی رێواز فایەق سەرۆکی پەرلەمانی کوردستان دەکات.

 

پەیامەکەی سەرۆکوەزیرانی هەرێمی کوردستان وێنەیەکی بۆ(باسنیوز) نێردراوە کە تیایدا وێڕای پیرۆزباییکردن بەبۆنەی دەستبەکاربوونی سەرۆکی تازەی پەرلەمانی کوردستان هیواشی خواستووە کە لەو ئەرکەدا سەرکەوتووبێت و پەیوەندی نێوان دەسەڵاتی یاسادانان و جێبەجێکردنیش لە هەرێمی کوردستان پەیوندییەکی بەهێز و تۆکمە بێت.

 

ئەمەی خوارەوە دەقی پەیامەکەی مەسرور بارزانییە:-

 

بەڕێز رێواز فایەق سەرۆکی پەرلەمانی کوردستان

بەبۆنەی هەڵبژاردنتان بە سەرۆکی پەرلەمانی کوردستان ، پیرۆزباییتان ئاراستە دەکەم ، ئومێد دەخوازم لەو ئەرکە نیشتمانییەدا سەرکەوتووبن و پەیوەندی نێوان دەسەڵاتی یاسادانان و جێبەجێکردنیش لە هەرێمی کوردستان پەیوندییەکی بەهێز و تۆکمە بێت ، بۆئەوەی بتوانین بەیەکەوە باشترین خزمەت پێشکەشی هاووڵاتیانی هەرێمی کوردستان بکەین و پرۆسەی دیموکراسیش لە هەرێمی کوردستان پەرە پێ بدەین.هیوای سەرکەوتنتان بۆ دەخوازم

مەسرور بارزانی سەرۆکی ئەنجومەنی وەزیرانی هەرێمی کوردستان11/7/2019








نیشانەکردن



زۆرترین






ڤیدیۆ- وێنە





Trending