ئاگر لە خەسەخانەیگ تایبەت وە کەرەنتین تووشهاتگەیل کۆڕۆنا لە بەغداد.. وینە
شەفەق نیوز/ وەڕیەوبەرایەتی وەرگری مەدەنی، ئمڕوو شەممە، کپەو کردن ئاگریگ لە خەسەخانەیگ تایبەت ئەرا کەرەنتین تووشهاتگەیل کۆڕۆنا لە بەغداد پایتەخت راگەیان.
لە بەیاننامەیگ ک رەسیە ئاژانس شەفەق نیوز وت: رووداو ئاگرەگە، ده‌مه‌و شه‌وه‌كی ئمڕوو بوی، لەناو ژوورەیل کەرەنتینەی تەندروسی لە خەسەخانەی فوڕات له خوەرئاوای بەغداد، ک تایبەتە وە کەرەنتین تووشهاتگەیل ڤایڕۆس کۆڕۆنا، ودیاری کرد ک پەنج تیم ئاگر کوژانەوە توێەنستن ئاگرەگە کپیەو بکەن.
ودیاری کرد ک ئاگرەگە چی وەرەو ناو کەرەڤانیگ وە ساندویچ پانێڵ کریاگە ک زوی سوزیەێد، و بەشەو کریاگە ئەرا ١٠ ژوور، هەر ژووریگ چوار شەوخەف کەرەنتینە هاناوی.
وەرگری مەدەنی رون کرد ک تیمەگانی توێەنستن لەماوەیگ پەیمانەیی ئاگرەگە کۆنتڕۆڵ بکەن و روداوەگە چارەسەر بکەن وە شیوەیگ یەکجاری، وەگەرد رزگار کردن ١٥ بیمار، وەبی تۆماکردن زیان گیانی ، وەل کەمەو کردن لە زەرەدە داراییەگان.
وئاماژەدا ک زەرەد تەنیا رەسیە چشتەیل ناو رەدهەگە، ودیاری کرد ک رزگار هەفت ژوور هاوشان کردن، ولەبان ئەوە لێکۆڵینەوە کریه‌د ئەرا رەسینەوە لە هووکارەیل ئاگرەگە وهیمان لێکۆڵینەوەگە وەردوامە.
