هەواڵی کوردستان ئێستا

شەفەق نیوز/ سەرچەوەیلیگ پزشکی، ئمڕوو شەممە، خەوەردان لە تۆمارکردن ١٤٦ تووشهاتن نوو وە ڤایڕۆس کۆڕۆنا و ٤ مردگ لەوەر بیماریەگە، ك هونەرمەنیگ و کادرەیلیگ تەندروسی هاناویان ، لە ٤ پارێزگای عراقی.
سەرچەوەیگ پزشکی خەوەردا ئاژانس شەفەق نیوز؛ ک پارێزگای واسیت ئمڕوو ١٤٦ تووشهاتگ نوو وە ڤایڕۆس کۆڕۆنا تۆمارکرد، ودیاری کرد ک تووشهاتنەگان ئاشکرا بوین دویای دەرچگن ئەنجام تاقیكاریەگان.
لە پارێزگای زیقار، سەرچەوەگە ئاماژەدا ئەرا مردن کادریگ لە فەرمانگەی تەندروسی پارێزگاگە، دویای تووشهاتنی وە ڤایڕۆس کۆرۆنا.
هەمیش پارێزگای میسان دوو مردگ وە ڤایڕۆس کۆڕۆنا تۆمارکرد، ک سەرچەوەیگ پزشکی ئەرا ئاژانس شەفەق نیوز وت؛ جەمیل جەبار سكرتێر وەرین هونەرمەنەیل، دویای تووشهاتنی وە ڤایڕۆس کۆڕۆنا، وخراوبوین رەوش تەندروسی ، ئمڕوو کۆچ دویایی کرد.
سەرچەوەگە ئاماژەدا ئەرا تۆمارکردن مردنیگ تر لە میسان ئەرا پیاویگ لە شەسەگان تەمەنی، لەناو رەدهەیل کەرەنتین لەوەر تووشهاتنی وە ڤایڕۆس کۆڕۆنا.
لە بەغداد پایتەخت، جاسب لەتیف حجامی، وەریەوبەر گشتی تەندروسی کەرخ، مردن یه‌كێگ له‌ كادره‌یل فه‌رمانگه‌گه‌ی راگەیان.
حجامی لە بان پۆستیگ فەیسبووک نووساد؛ ( حەمید فەخری درعان) یاوەرخەفەر وەڕیەوبردنگەی شار پزشیکی ئیمامەین کازمەین(ع) پزشکی، لەوەر تووشهاتنی وە ڤایڕۆس کۆڕۆنا، کۆچ دویایی کرد.
حجامی دیاری کرد؛ ک رەحمەتی یاوەر وەڕیەوبردن خەفەر بوی ئەرا زیاتر لە ١٥ ساڵ، وباوگ سێ کوڕ و دوو دویەتە، وتەمەنی ٥٦ ساڵە، ونیشتەجی شار بەیاعە.
وەزارەت تەندروسی و ژینگە، دویەکە جومعە تۆمارکردن ٦٩ مردن، و ١٦٣٥ تووشهاتن نوو وە ڤایڕۆس کۆرۆنا لەماوەی ٢٤ ساعەت وەرین، لە گشت پارێزگایل وڵاتەگە راگەیان.