English | عربي

پەرلەمانی عێراق نەیتوانی هەمواری یاسای هەڵبژاردنی پارێزگاکان پەسەند بکات


پەرلەمانی عێراق نەیتوانی هەمواری یاسای هەڵبژاردنی پارێزگاکان پەسەند بکات

2019/07/12 | 21:55

(هەواڵ كوردستان)- خەندان-دوێنی، پێنجشەمە لە دانیشتنی پەلەمانی عێراق دەنگدان لەسەر هەمواری یاسای هەڵبژاردنی پارێزگاکان ئەنجامدرا، پەرلەمان نەیتوانی پەسەندی بکات.

کارەکە هەندێک تاوتوێ و گفتوگۆی زیاتری دەوێت

لەو بارەیەوە رێبوار کەریم، ئەندامی پەرلەمانی عێراق بە خەندان-ی راگەیاند، بریاربو دوێنێ لە دانیشتنەکەی ئەنجومەنی نوێنەرانی عێراق دەنگبدرێت لەسەر هەمواری یاسای هەڵبژاردنی پارێزگاکان، بەڵام بەهۆی بونی ناکۆکی لەنێوان لایەنە سیاسیەکانی عێراق لەو بارەیەوە، لایەنەکان رێکنەکەوتن، وتیشی" کارەکە هەندێک تاوتوێ و گفتوگۆی زیاتری دەوێت".

 ئێمەش وەکو لایەنە کوردیەکان بۆچونی خۆمان هەیە سەبارەت بە یاساک

"ئەو بابەتە پەیوەندیدارە بە لایەنە عێراقیەکان و ئەو یاسایە بۆ دەرەوەی هەرێمی کوردستانە، ئێمەش وەکو لایەنە کوردیەکان بۆچونی خۆمان هەیە سەبارەت بە یاساکە"رێبوار کەریم وای وت.

تۆماری دەنگەدران و میکانیزمی ژماردنەوەی دەنگەکان بەشێکی دیکەی رێکنەوکەوتنەکە بوە

 

ئاماژەشی بەوەدا، لایەنەکان لەسەر چەند برگەیەکی یاساکە رێکنەکەوتون، لەوانە وەک شوێن و بنکەی دەنگدەران و ئاوارەکان، هاوکات تۆماری دەنگەدران و میکانیزمی ژماردنەوەی دەنگەکان بەشێکی دیکەی رێکنەوکەوتنەکە بوە.

یاساکە 52 مادەیە و تەنھا پەرلەمان توانیویەتی 21 مادە هەموار بکاتەوە

 

یاساکە 52 مادەیە و تەنھا پەرلەمان توانیویەتی 21 مادە هەموار بکاتەوە ئەوەش مانای ئەوەیە ھەمو مادەکانی دیکە وەک خۆیان دەمێننەوە .

نزیکەی شەش مانگە، پەرلەمان لەسەر هەمواری یاسای ئەنجومەنی پاریزگاکان کۆدەبێتەوە

 

نزیکەی شەش مانگە، پەرلەمان لەسەر هەمواری یاسای ئەنجومەنی پاریزگاکان کۆدەبێتەوە تاوەکو گەیشتنە دەنگدان، بەڵام پەسەند نەکرا.

 بانگهێشکردنی وەزیری دارایی و ئابوریی عێراقی لەسەر ناردنی موچەی فەرمانبەرانی هەرێمی کوردستان دواخرا

 

ھەر لەو دانیشتنەدا پەرلەمانی عێراق، پرسی بانگهێشکردنی وەزیری دارایی و ئابوریی عێراقی لەسەر ناردنی موچەی فەرمانبەرانی هەرێمی کوردستان بۆ دوای 20ی مانگی تەموز دواخست.

بەگوێرەی یاسای سانت لیگۆ بەڕێوەدەچێت

ھەڵبژاردنی ئەنجومەنی پارێزگاکان عێراق، كه‌ بڕیاره‌ له‌ 20 مانگی نیسانی 2020 ئه‌نجامبدرێت بەگوێرەی یاسای سانت لیگۆ بەڕێوەدەچێت .

یاسای سانت لیگو یاسایەکە له ساڵی 1910 دانراوه‌، نه‌رویج و سوێد بۆیه‌كه‌مجار په‌یڕه‌وی ئه‌و یاسایه‌یان كردوه‌ بۆ هه‌ڵبژاردن،لەئێستاشدا لە هه‌ریه‌كە له‌ وڵاتانی نیوزله‌ندا، نه‌رویج، سوید و بۆسنه‌ په‌یڕه‌وی ده‌كرێت








نیشانەکردن



زۆرترین






ڤیدیۆ- وێنە





Trending