English | عربي

ئەكەپە خۆی بۆ گۆڕانكارییەكی گەورە ئامادە دەكات


ئەكەپە خۆی بۆ گۆڕانكارییەكی گەورە ئامادە دەكات

2019/07/12 | 23:05

(هەواڵ كوردستان)-

دوای ئەوەی لە هەڵبژاردنی ٢٣ی حوزەیراندا ئەكەپەی دەسەڵاتدار ئیستەنبۆڵی لە دەست دا، ئێستە بە نیازی گۆڕانكارییەكی گەورەیە، ئەمەش بڕیارە راستەوخۆ رەجەب تەیب ئەردۆغان ئەنجامی بدات.

ئەمڕۆ هەینی رۆژنامەی (سۆزجو) ئاشكرای كرد كابینەی حكوومەت گۆڕانكاری بە خۆیەوە دەبینێت، بەڵام كاتەكەی دیار نیە و رەنگە ئەكەپە ئامادەكاری تەواوی بۆ بكات.

لای خۆیەوە عەبدولقادر سەلفی لە وتارێكدا كە لە رۆژنامەی (حوریەت) بڵاوی كردووەتەوە، ئاشكرای دەكات ئەردۆغان كاتی دیاری نەكردووە بۆ گۆڕانكاری، بەڵام بە ئاشكرا بە ئەندامانی سەركردایەتیی ئەكەپەی گوتووە گۆڕانی تازە بەڕێوەیە.

بە گوێرەی ئەو زانیارییانەی كەوتووەتە دەست میدیاكانی توركیا، ئەردۆغان لە كۆبوونەوەیدا لەگەڵ بەرپرسانی پارتەكەی لە ئەنكەرا، ئاماژەی داوە كە تەنیا گۆڕانكاری لە كابینە و پارتەكەیدا بەس نیە بۆ ئەوەی ئەكەپە خۆی تازە بكاتەوە، بەڵكو ئەوەی گرنگە تا هەڵبژاردنی ٢٣ی حوزەیران، زمانی سیاسی بگۆڕن و چۆنیەتی بەرێوەبردنی وڵاتیش بگۆڕن.

رەخنەیەكی زۆر لە ئەردۆغان دەگیرێت، بەوەی زاواكەی خۆی، بەرات ئالبەیراكی كردووە بە وەزیری دارایی، بەڵام تاوەكو ئێستە زاواكەی نەیتوانیوە بەر بەو قەیرانە ئابوورییە بگرێت كە توركیا دووچاری بووەتەوە.

رۆژنامەی (سۆڵ)ی توركی ئاشكرای دەكات، چەند سەركردەیەكی ئەكەپە ئەو پرسیارەیان ئاراستەی ئەردۆغان كردووە، بەڵام كاتێك قسە دێتە سەر زاواكەی، وەڵام ناداتەوە و خۆی لەو پرسیارە دەدزێتەوە.








نیشانەکردن



زۆرترین






ڤیدیۆ- وێنە





Trending