English | عربي

ئەنجوومەنی باڵای فەتوا لەبارەی مامەڵەیەکەوە ئاگادارییەک ئاراستەی موسڵمانان دەکات


ئەنجوومەنی باڵای فەتوا لەبارەی مامەڵەیەکەوە ئاگادارییەک ئاراستەی موسڵمانان دەکات

2019/07/14 | 00:25

(هەواڵ كوردستان)-

ئەنجوومەنی باڵای فەتوای هەرێمی كوردستان، فەتوایەك لەسەر وەرگرتنی پارە لەبری حەواڵەكردن دەردەكات و داوا لە موسڵمانان دەكات خۆیان لەو كارە بەدوور بگرن و مامەڵەش لەگەڵ ئەو نووسینگانە نەكەن کە ئەو کارە دەکەن.

 

ئەنجوومەنی باڵای فەتوای لە هەرێمی كوردستان لە ڕاگەیاندراوێکدا کە وێنەیەکی بۆ (باسنیوز)نێردراوە ئاماژەی بە ئەوە كردووە" دوای گفتوگۆیەكی تێروتەسەل‌ و بەسوود وەرگرتن لە دەقەكانی قورئانی پیرۆز و فەرمودە و ڕای زانایانی فیقهی ئیسلامی‌ و بنەماكانی شەریعەت، سەبارەت بەحوكمی وەرگرتنی پارە لە بری حەواڵەكردن فەتوایەكی تایبەتی دەركرد، كە ماوەیەكە لای بەشێكی هاووڵاتیان جێی پرسیارە".

ئەنجوومەنی باڵای فەتوا دەڵێت: "بەپێی زانیاری ئێمە ئەم بابەتە بابەتێكی تازەیە‌ و جگە لە عیراق لە هیچ وڵاتێكی دیکەی دونیا ئەم جۆرە مامەڵەیە بوونی نیە، بۆیە پێویستی كرد، كە حوكم ‌و فەتوای لەسەر بدرێت".

لە ڕاگەیەندراوەکەدا هاتووە"ئەنجوومەنی باڵای فەتوا بەدواداچوونی تەواوی بۆ ئەو پرسە كردووە‌ و پەیوەندی بە چەندین نووسینگەی حەواڵە ‌و بەرپرسانی وەزارەتی دارایی پسپۆڕانی ئابووری كردووە، تا سەرچاوە و هۆكاری ئەو بڕە پارەیەی لا ڕوون بۆتەوە".

 

ئەنجوومەنەکە داوا لە هاووڵاتیان کردووە "خۆیان بپارێزن لە وەرگرتنی ئەو بڕە پارەیە‌ و مامەڵەش لەگەڵ ئەو جۆرە نووسینگانە نەكەن".

 

 








نیشانەکردن



زۆرترین






ڤیدیۆ- وێنە





Trending