English | عربي

ئەندامێکی ئەنجوومەنی پارێزگای سلێمانی: پێوەری ئاوی ماڵان هەواش دەخوێنێتەوە


ئەندامێکی ئەنجوومەنی پارێزگای سلێمانی: پێوەری ئاوی ماڵان هەواش دەخوێنێتەوە

2019/07/16 | 01:40

(هەواڵ كوردستان)-

ئەندامێکی ئەنجوومەنی پارێزگای سلێمانی دەڵێ ئەمرۆ لەگەڵ سەردانی پارێزگاری سلێمانی دەکەین و کێشەی پێوەری ئاوی ماڵانی لەگەڵ یەکلایی دەکەینەوە و دەشڵێ پێوەری ئاوی ماڵان هەواش دەخوێنێتەوە.

كاسترۆ مەعروف، ئەندامی ئەنجوومەنی پارێزگای سلێمانی بە (باسنیوز )ی ڕاگەیاند: "پێوەری میكانیكی ئاو كێشەی بۆ هاووڵاتیان دروست كردووە، كە بڕی پارەی زیاد دەخوێنێتەوە، بۆ ئەم مەبەستەش داوامان لەهەریەک لە بەڕێوەبەرایەتی ئاوی ڕاپەڕین و هەڵەبجە و گەرمیان کردووە بۆ وەستاندنی پرۆسەی بەستنی پێوەری ئاوی ماڵان، لەبەرئەوەی تاوەکو ئێستاش بەشێکی زۆری هاووڵاتیان بئ بەشن لە وەرگرتنی ئاو و بە تانکەر دوو ڕۆژ جارێک ئاویان پێ دەگات کە ئەمەش دەبێتە نادادپەروەری بەرامبەر ئەو ماڵانەی پێوەریان هەیە".

 

گوتیشی: "پێویستە حکوومەت فەرمانبەرەکانی خۆی بەکاربهێنێتەوە بۆ وەرگرتنی پارەی ئاوی هاووڵاتیان، بەمشێوەیەش بڕێکی زۆر پارەی زیاد دەگەڕێتەوە بۆ خەزێنەی حکوومەت لەبەرئەوەی بڕی 250 دینار لەهەر ماڵێک بۆ سوودی کۆمپانیا دەبێت و هەروەها کرێکارانی کۆمپانیاکانیش زەرەرمەنندی یەکەم دەبن لەو کارەدا".

 

ئەو ئەندامەی ئەنجوومەنی پارێزگای سلێمانی ڕاشیگەیاند: "پێوەرەكان هەواش دەخوێننەوە و كێشەی دیكەیان هەیە ئەمە جگە لە گرانی نرخەكەی، كە بۆ هاووڵاتیان بارگرانییە".

 

دەشڵێ: "وا بڕیارە ئەمڕۆ سێشەممە سەردانی پارێزگاری سلێمانی بكەین بۆ پرسی یەكلاكردنەوەی پێوەری میكانیكی ئاوی ماڵان".








نیشانەکردن



زۆرترین






ڤیدیۆ- وێنە





Trending