English | عربي

تا ئێستا ئاڵوگۆڕ له‌ ده‌سه‌ڵاته‌کانی پێنج وه‌زاره‌تی کابینه‌ی نۆیه‌می حکومه‌تی هه‌رێم کراوە


تا ئێستا ئاڵوگۆڕ له‌ ده‌سه‌ڵاته‌کانی پێنج وه‌زاره‌تی کابینه‌ی نۆیه‌می حکومه‌تی هه‌رێم کراوە

2019/07/16 | 11:05

(هەواڵ كوردستان)- له‌سه‌ر راسپارده‌ی سه‌رۆکی حکومه‌تی هه‌رێمی کوردستان، تاڕۆژى دووشەمە 15ى تەمموز ئاڵوگۆڕ له‌ ده‌سه‌ڵاته‌کانی پێنج وه‌زاره‌تی کابینه‌ی نۆیه‌می حکومه‌تی هه‌رێم کراوە.

بە راسپاردەی مەسرور بارزانی سەرۆکی حکوومەتی هەرێمی کوردستان، ئاڵوگۆڕی دەسەڵاتەکانی وەزارەتەکانی ئاوەدانکردنەوە و نیشتەجێکردن، کاروباری پێشمەرگە، خوێندنی باڵا و توێژینەوەی زانستی، پەروەردە و کارەبا کراوە.

دانا عەبدولکەریم، دەسەڵاتەکانی وەزیری ئاوەدانکردنەوە و نیشتەجێکردنی لە دەرباز کۆسرەت رەسوڵ و شۆڕش ئیسماعیل دەسەڵاتەکانی وەزارەتی پێشمەرگەی لە کەریم شنگالی و ئارامی حەمەی مینا، دەسەڵاتەکانی وەزارەتی خوێندنی باڵا و توێژینەوەی زانستی لە د.

یوسف گۆران و ئالان حەمە سەعید، دەسەڵاتەکانی وەزارەتی پەروەردەی لە پشتیوان سادق و کەمال محەمەد ساڵح، دەسەڵاتەکانی وەزارەتی کارەبای وەرگرت.

پرۆسەکە بە سەرپەرشتی لێژنەیەکی تایبەتی ئەنجوومەنی وەزیران بۆ ئاڵوگۆڕکردنی پۆستی وەزارەتەکان بەڕێوەچوو، کە پێکهاتبوو لە شەعبان شەعبان چالی، بەڕێوەبەری نووسینگەی سەرۆکی حکوومەت و ئومێد سەباح، سەرۆکی دیوانی سەرۆکایەتی حکوومەت و ئامانج رەحیم، سکرتێری سەرۆکایەتی ئەنجوومەنی وەزیران.

بڕیارە پرۆسەی ئاڵوگۆڕکردنی دەسەڵاتەکانیش تا کۆتایی ئه م هەفتەیه لە سەرجەم وەزارەتەکان ئەنجام بدرێت.








نیشانەکردن



زۆرترین






ڤیدیۆ- وێنە





Trending