پەڕلەمان کوردستان چه‌وه‌رێ خاسەوبوین پەڕلەمانتار و فەرمانبەرەیله
شەفەق نیوز/ پەڕلەمان هەرێم کوردستان، ئمڕوو یەکشەممە، ئاشکراکرد ک دویای تواوبوین ماوەی کەرەنتین تەندروسی ، ئەوەسا کارەیلی ده‌س وه‌پی كه‌ید، ، وئاماژەدا ک یەکەمین ئەرکەیل پەڕلەمانەگە خوەی باس کۆڕۆنا و رەوش دارایی هەرێمەگەس.
سەرۆکایەتی پەڕلەمان هەرێم کوردستان لە ١٠ حوزەیران بریاردا وەدویاخستن کارەیل پەڕلەمانەگە ئەرا دوو هەفتە، دویای تۆمارکردن تووشهاتنەیلیگ وە ڤایڕۆس کۆڕۆنا ئەرا ئەندامیگ و سێ فەرمانبەر پەرلەمان.
سامان ئەحمەد، وەڕیەوبەر راگەیانن پەڕلەمان کوردستان، لە قسه‌یلیگ ئەرا ئاژانس شەفەق نیوز وت: گرنگترین ئەرکەیل پەڕلەمانەگە دویای ده‌سوه‌كار بووین لەوەخت تەواوبوین ماوەی کەرەنتینە تەندروسیەگە، خوەی باس کردنە لە رەوش تەندروسی لەهەرێمەگە لەوەر پەتای کۆڕۆنا و رەوش دارایی هەرێمەگە، وئاماژەدا ک گشت تووشهاتنەگان وە ڤایڕۆسەگە لە ئەندام و فەرمانبەرەیل پەڕلەمانەگە خاسەوبوینه.
وتیش؛ پەڕلەمان هەمیش باس زیایبوین جوولەیل داعش لەناوچەیل نزیک لە هەرێم کوردستان كه‌ید وه‌ل باوەت و رووداوەیل ئیسەیی ناوخۆی کوردستان.
جی باسە ک رەوشە داراییەگەی هەرێم کوردستان، كه‌فتیه‌سه ژیر کاریگەری ناکۆکەیل ناوبەین حکومەت فیدڕاڵی لە بەغداد و حکومەت هەرێم، ناکۆکیەگان و باوەته دویاخریایەگان ناوبەین هەولێر وبەغداد جەختی هابان بەش هەرێمەگە لە بوودجە داراییەگان، وشایستەی هێزەیل پێشمەرگە، وفروشتن نەفت، وناوچە دابڕیایەگان ک په‌یوه‌سن وە مادەی ١٤٠ لە دەستور هەمیشەیی عراق.
حکومەت هەرێم کوردستان لە فرە بۆنه وجار ئامادەبوین خوەی نیشاندا ئەرا ته‌سلیم ٢٥٠ هەزار بەرمیل نەفت خام رووژانه، وەرانوەر خەرجکردن مووچەی فەرمانبەرەیل لەلایەن حکومەت عراقی ک بایی ٤٥٠ ملیار دینار عراقیە لە هەر مانگیگ.