نێچیرڤان بارزانی مکیسیگ دەێدە مالکی ئەرا سەردان هەرێم کوردستان
شەفەق نیوز/ نێچیرڤان بارزانی سەرۆک هەرێم کوردستان، ئمڕوو یەکشەممە، مکیسیگ داگە نوری مالکی وەرپرس هاوپەیمان دەوڵەت یاسا ئەرا سەردان هەرێمەگە.
سەرۆک هەرێم و شاند یاوه‌ری لەلایەن نوری مالکی پێشوازی کریان ، لە نووسینگەی خوه‌ی لە بەغداد پایتەخت، وەگورەی بەیاننامەیگ فەرمی لە نووسینگەی راگەیانن هاوپەیمان دەوڵەت یاسا.
بەیاننامەگە ئاماژەدا: لە چەوپیکەفتنەگە باس رەوش سیاسی وئەمنی وتەندروسی وڵاتەگە کریا، وەگەرد باوەتەیل دویاخریاگ ناوبەین حکومەت فیدڕاڵی وحکومەت هەرێم کوردستان.
بەیاننامەگە باس کرد لەدووپاتکردن مالکی لەبان گرنگی وەردەوامی گفتوگۆگان ناونی هێزە سیاسیەگان، ئەرا رەدبوین لە سەختیەگان، وتایبەت قەیران پەتای کۆڕۆنا، و کارەگەری داوەزین نرخ نەفت، ودووارەی داواگەی کرد لە هاوکاریکردن لە دەرکردن یاساگان ک پەیوەندیەگان رێکخەن ناوبەین هەرێمەگە و حکومەت فیدڕاڵی، وه‌تایبەت یاسای نەفت و گاز، و دابەشکردن داهات نیشتمانی.
لەلای خوەییش، بارزانی مکیسیگ داگە مالکی ئەرا سەردان کوردستان، و مالکی پەیمان وەجیهاوردنی دا لە نزیکترین دەرفەت، ودووپاتکرد لە مقەیەتیکردن هەرێمەگە لەبان پەیوەندی وەگەرد هێزە سیاسیەگان وحکومەت فیدڕاڵی، و چگن وەکاریگ لەبان بنەمای لەیەک رەسینەوە و رێککەفتن، ئەرا خزمەت گشتی.
