English | عربي

كاردانەوەكانی دەستگیرکردنی مەلا کرێکار ...لەمیسر و قەتەر و ئەنقەرە خۆپیشاندان سازكرا


كاردانەوەكانی دەستگیرکردنی مەلا کرێکار ...لەمیسر و قەتەر و ئەنقەرە خۆپیشاندان سازكرا

2019/07/16 | 20:55

(هەواڵ كوردستان)- خەندان-

دوای ئەوەی دوێنێ دەسەڵاتدارانی نەرویج، جارێكی دیكە مەلا كرێكاریان راپێچی زیندانكرد، ئەمرۆ لەهەریەك لە میسر و قەتەر و ئەنقەرە دژی دەستگیرکردنی مەلا کرێکار خۆپیشاندان سازكرا.

لەپاڵ ئەنجامدانی ئەو خۆپیشاندانانە، بەشێك لە كەسایەتیە ناسراوەكانی وڵاتانی عەرەبی ناڕەزایی خۆیان لەسەر دەستگیركردنی كرێكار دەربڕیی و بە توندی پرۆتستۆی بڕیارەكەیان كرد.

بەرژەوەندیە ئابوریەکانی ئەو دو وڵاتە لەڕۆژهەڵات ئەکەونە مەترسیەوە

خالید مەشعەل، سەرۆكی بزوتنەوەی حەماس بەتوندی ئیدانەی هەردو وڵاتی ئیتاڵیاو نەرویجی کردو ڕایگەیاند،" بەرژەوەندیە ئابوریەکانی ئەو دو وڵاتە لەڕۆژهەڵات ئەکەونە مەترسیەوە".

هەتا ئازادکرنی مەلاکرێکار خۆپیشاندەران بەردەوام ئەبن

یوسف قەرزاوی، سەرۆکی یەکێتی زانایانی موسڵمان بەتەلەفیزۆنی ئەلجەزیرەی ڕاگەیاند،"هەتا ئازادکرنی مەلاکرێکار خۆپیشاندەران بەردەوام ئەبن".

کورد هەمیشە هاوخەممان بون، بۆیە هەتا ئازادکردنی مامۆستا کرێکار دەست هەڵناگرین

کوڕەکەی محەمەد مورسی، سەرۆكی پێشوتری میسر، لەنێو خۆپیشاندەرانی ڕابیعەی عەدەوی بۆ تەلەفیزۆنی ئەبو زەبی وتی،"کورد هەمیشە هاوخەممان بون، بۆیە هەتا ئازادکردنی مامۆستا کرێکار دەست هەڵناگرین".

بەڕاستی ئەو پشتگیری و پشتیوانیەی کەبەملیۆنان خەڵک بۆ مامۆستا کرێکار لەوڵاتانی ئیخوان نشین و وڵاتانی عەرەبی ڕژاونەتە سەرجادە بەوشە وەسف ناکرێت و نازانین بەچ زمانێ سوپاسیان بکەین

عەلی قەرەداخی، ئەمینداری یەکێتیی جیهانی زانایانی موسڵمان، سوپاسی خۆپیشاندەرانی کرد و ڕایگەیاند،"بەڕاستی ئەو پشتگیری و پشتیوانیەی کەبەملیۆنان خەڵک بۆ مامۆستا کرێکار لەوڵاتانی ئیخوان نشین و وڵاتانی عەرەبی ڕژاونەتە سەرجادە بەوشە وەسف ناکرێت و نازانین بەچ زمانێ سوپاسیان بکەین".دوێنێ دووشەممە، دەزگا راگەیاندنەكانی نەرویج بڵاویانکردەوە، كە لە دواین دانیشتنی دادگای ئیتاڵیا، هەرچەندە داواكاری گشتی داوایكرد سزای 10 ساڵ بەسەر كرێكاردا بسەپێنرێت، بەڵام دادگا سزای 12 ساڵ زیندانیكردنی بۆ مەلا كرێكار بەتۆمەتی داڕشتنی پیلانی تیرۆریستی دەركرد.

پارێزەری مەلا کرێکار رەخنەی لە بڕیارەكەی دادگا گرتوە و بە خەیاڵی و نادادپەروەری و بێمانا وەسفی كردوە

بەپێی هەواڵی ماڵپەرێكی نەرویجی، برینجار میلینج، پارێزەری مەلا کرێکار رەخنەی لە بڕیارەكەی دادگا گرتوە و بە خەیاڵی و نادادپەروەری و بێمانا وەسفی كردوە.ئاماژە بەوەشكراوە كە دوای زنجیرەیەک دواخستن، ئەمڕۆ جارێکی دیكە دادگای پێداچونەوەی شاری بولزانۆی ئیتاڵیا، پرۆسەی دادگایکردنی مەلا کرێکاری بەڕێوە بردوە، لە کاتی دادگایکردنەکەدا داواکاری گشتی داوایکرد سزای 10ساڵ زیندانیکردن بسەپێنرێت بەسەر مەلا کرێکاردا، دواتر دادگا بڕیارەکەی بە 12ساڵ زیندانی دەرکرد.

دادوەرێك رێگری كردوە لە مەلا كرێكار تا باسی كێشەكەی بۆ دادگا بكات، هەرچەندە پارێزەرێكی ئیتاڵی گرتوە، بەڵام كرێكار نەیتوانیوە پەیوەندی پێوە بكات

برینجار میلینج وتویەتی،"كە دادوەرێك رێگری كردوە لە مەلا كرێكار تا باسی كێشەكەی بۆ دادگا بكات، هەرچەندە پارێزەرێكی ئیتاڵی گرتوە، بەڵام كرێكار نەیتوانیوە پەیوەندی پێوە بكات،"، هەر بە وتەی پارێزەرەكەی رێگە نەدراوە مەلا كرێكار لەكاتی دادگاییكردنەكەی هیچ جۆرە پرسیارێك بكات، تەنانەت كۆمەڵێك بەڵگەی پێبوە تا پێشكەشی دادگای بكات، بەڵام رێگری لێكراوە.

بە وتەی پارێزەرەکەی كرێكار، دادگای ئیتاڵیا، لەكاتی دادگاییکردنەکەی مەلا کرێکاردا، پێنج كەسی دیكەی تۆمەتباركردوە

هەر بەپێی ماڵپەرە نەرویجیەكە، بە وتەی پارێزەرەکەی كرێكار، دادگای ئیتاڵیا، لەكاتی دادگاییکردنەکەی مەلا کرێکاردا، پێنج كەسی دیكەی تۆمەتباركردوە بەڵام ئاماژە بە وردەكارییەكانی ئەو تۆمەتبارانە نەدراوە. دوای بڕیارەكەی دادگای ئیتاڵیا، دوێنێ دەسەڵاتدارانی نەرویج فەرمانیانكرد بە دەستگیركردنی مەلا كرێكار، ئەمیری پێشوی ئەنسارولئیسلام نەجمەدین فه‌ره‌ج ئه‌حمه‌د ناسراو بە مەلا کرێکار، تا ئێستا 62 جار دادگایی کراوە و 41 تۆمەتی جیاوازی ئاراستەکراوە و بەهۆیەوە چەندجارێک زیندانی کراوە، تا ئێستاش ناوی لە لیستی تیرۆری نەتەوە یەکگرتووەکاندایە و لەلایەن بەشێك لە بەرپرسانی حزبە سیاسییەكانی كوردستانەوە چەندین داوای لەسەر تۆماركراوە.








نیشانەکردن



زۆرترین






ڤیدیۆ- وێنە





Trending