کوردستان لەماوەی ٢٤ ساعەت؛ ١٢مردن و ٣٢٦ تووشهاتن وە ڤایڕۆس کۆڕۆنا
ە شەفەق نیوز/ وەزارەت تەندروسی لە هەرێم کوردستان، ئمڕوو یەکشەممە، راگەیان لە بەرزەوبوین مردن وه ڤایڕۆسەگە لە شارەیل هەرێم ئەرا ١١٠ مردگ، و تووشهاتنەگان ئەرا ٣٨٦٥ کەس، ك هەژماره‌یگ پەیمانەییه کوردستان تۆماری کەێد، لەوەخت بڵاوبوین پەتاگە.
لە بەیاننامەیگ ئەرا وەزارەتەگە ک رەسیە ئاژانس شەفەق نیوز هات: ١٨٧٥ تاقیكاری نوو لە گشت ناوچەیل هەرێم ئەنجام داگە، و ئەنجامەگان تووشهاتن ٣٢٦ کەس دەرخستن وە ڤایڕۆس کۆڕۆنا.
بەیاننامەگە دیاری کرد ک تووشهاتگەیل وەیجورە بەشەوبوین: ٦٣ كه‌س لە هەولێر، ٢٠٦ لە سلێمانی، ٣٩ لە گەرمیان ، ٦ لە دهۆک ، ١٢ لە هەڵەبجە. وتیش ٣٤ تووشهاتگ خاسەوبوین ك ٢٦ لەلیان لە هەولێرە، و ٥ لە گەرمیان ، ٣ لە دهۆک.
بەیاننامەگە هەمیش وت: لە ماوەی ٢٤ ساعەت وەرین ١٢ تووشهاتگ وەڤایڕۆسەگە مردن، یەکیگ لەلیان لە هەولێرە، و ١٠ لە سلێمانی و یەکیگ لە گەرمیان.
ئاماژەشدا؛ بڕ کەسەیلیگ ک کەرەنتین کریانە لەوەخت دیارکەفتن پەتاگە رەسیە ١٥٤٦٩ کەس، لەلیان ١٤٤١٥ دەرچگنە.
بەیاننامەگە گشت مردگەیل وە ڤایڕۆس کۆرۆنا گردکرد وە ١١٩ مردگ، ١٥ لە هەولێر، ٩٣ لە سلێمانی ، ٢ لە هەڵەبجە. هەژمار تووشهاتگەیل لە بەیاننامەگە بویە ٢٨٦٥ کەس وە ڤایڕۆس کۆڕۆنا، ك٩١٦ لەلیان لە هەولێر، ٢٧٠٥ لە سلێمانی، ١٥١ لە دهۆک ، ٩٣ لە هەڵەبجەن.