English | عربي

شێخ جه‌عفه‌ر: بۆ گه‌ڕانه‌وه‌ی پێشمه‌رگه‌ بۆ خانه‌قین چوار هه‌زار واژۆ کۆ کراوه‌ته‌وه‌


شێخ جه‌عفه‌ر: بۆ گه‌ڕانه‌وه‌ی پێشمه‌رگه‌ بۆ خانه‌قین چوار هه‌زار واژۆ کۆ کراوه‌ته‌وه‌

2019/07/18 | 12:05

(هەواڵ كوردستان)-

به‌رپرسی لقی ١٥ی خانه‌قینی پارتی دیموکراتی کوردستان ئاماژه‌ به‌وه‌ ده‌کات، ژماره‌یه‌کی زۆری واژۆ کۆ کراوه‌ته‌وه‌ بۆ ئه‌وه‌ی پێشمه‌رگه‌ بگه‌ڕێته‌وه‌ بۆ خانه‌قین و ناوچه‌کانی سنووری ماده‌ی١٤٠.

 

شێخ جه‌عفه‌ر، لەمبارەوە بە (باسنیوز)ی ڕاگەیاند: "چەند رۆژێکە لە خانەقین خێمە ھەڵدراوە کەمپیننێک ڕیک خراوە و واژۆ کۆ دەکرێتەوە بۆ ئەوەی ماددەی ١٤٠جێبەجێ بکرێت و، ھێزی پێشمەرگەش بگەڕێتەوە ناوچەکە، بۆ ئەو مەبەستەش ھەموو پێکھاتەکان بە کورد و عەرەب و تورکمان ڕوو لە خێمەکان دەکەن و واژۆ دەکەن، چونکە ھەموان داوا دەکەن بۆ ئەوەی ئەمنییەت لە ناوچەکەیان هەبێت و ھێزی پێشمەرگە بگەڕێتەوە و ماددەی١٤٠جێبەجێ بکرێت، بۆیە تا دوێنێ ئێوارە زیاتر لە چوار ھەزار واژۆ کۆ کراوەتەوە.

 

ئه‌وه‌شی خسته‌ ڕوو: "فه‌رمانده‌یه‌کی سه‌ربازی دیاله‌ هاتووه‌ بۆ ئه‌وه‌ی خێمه‌ی واژۆکۆکردنه‌وه‌که‌ هه‌ڵبگرن، به‌ڵام پێشوازییان لێ نه‌کردوون و دوینێ ١٧/٧/٢٠١٩ تا کاتژمێر ٨ی شه‌و به‌رده‌وام بوون له‌ کۆکردنه‌وه‌ی واژۆ".

 

ئه‌وه‌شی خسته‌ ڕوو: "ئه‌م واژۆیانه‌ کاریگه‌ریی خۆیان ده‌بێت و ئاراسته‌ی لایه‌نه‌ په‌یوه‌ندیداره‌کان و به‌غداش ده‌کرێت".








نیشانەکردن



زۆرترین






ڤیدیۆ- وێنە





Trending