رێگەنادەین لەپێناو بەرژەوەندی تاکەکەسیدا یاری بەخوێنی شەهیدان بکرێتکۆمەڵەی پێشمەرگە و رێكخستنه دیرینەکانی یەکێتی: دەبێت کۆنگرە لەکاتی خۆیدا ئەنجام بدرێت


رێگەنادەین لەپێناو بەرژەوەندی تاکەکەسیدا یاری بەخوێنی شەهیدان بکرێتکۆمەڵەی پێشمەرگە و رێكخستنه دیرینەکانی یەکێتی: دەبێت کۆنگرە لەکاتی خۆیدا ئەنجام بدرێت

2019/12/04 | 23:30 - سەرچاوە: خەندان

( ئه‌م رۆژه‌ | هەواڵی كوردستان)- خەندان-کۆمەڵەی پێشمەرگە دێرینەکان و رێکخستنە دێرینەکانی یەکێتی سەبارەت بە بەستن و ئەگەری دواخستنی کۆنگرە پەیامێک ئاراستەی کۆمیتەی سەرکرایەتی حزبەکەیان دەکەن و داوای دوانەخستنی کۆنگرە دەکەن.لەپەیامەکەدا هاتوە"لەم بارودۆخه هەستیارەدا و لەپێناو به رژەوەندی باڵای یەکێتی و کۆمەڵانی خەڵکدا بەپێویستی دەزانین رای خومان لەسەر بەستنی کونگرەی چوارەمی یه کێتیەکەمان بخەینەرو بەلەبەرچاوگرتنی بارودوخی ئیستای هەرێمی کوردستان و پێگەی یەکێتی له ناوخۆ و دەرەوەدا"."وەک کۆمەڵە داوا دەکەین لەسەر بەستنی کۆنگره بەر لەهاتنی سەری ساڵی نوێ و دوانەخستنى له ژێر هیچ بیانویەکدا، له كاتیكدا سەرجەم ئامادەکاریەکان جێبەجێکراوه" لە پەیامکەدا وا نوسراوە.دەشڵێن" نامانەوێت نیگەرانیەك و بێئومێدیەك بۆسەرجەم ئەندامان و کادران و جەماوەری یەکێتی دروستبێتەوه .  داواش دەکەن، به ستنی کۆنگره و گه ڕاندنەوەی متمانه له نێوان سه رکردایەتی و کادرانیدا لەسەربنەمای هەڵبژاردنی راستەوخۆ و ئازاد بیت و دور بێت له هەمو ( توافقنك ) تەنها هۆڵی کۆنگره و دەنگدانی پاك و بێگەرد بڕیاردەربێت.کۆمەڵەی پێشمەرگە دێرینەکانی یەکێتی هۆشداریش دەدەن لە ئەگەری دواخستنی کۆنگرەی چوارەمی حزبەکەیان و دەڵێن" رێگەنادەین له پێناو بەرژەوەندی تاکه کەسیدا یاری بەخوێنی شەهیدان و مێژوی یەکێتی و کەم ئەندامانی سەنگەر و پێشمەرگە و رێكخستنه دێرینەکان و زیندانیانی سیاسی جەماوەرەکەیی بكرێت، لەو پێناوەشدا هەڵوێستی توندمان دەبێت".



سەرچاوەى هەواڵ - خەندان


Sponsored Links