٥٩ گورز ئاسمانی له داعش وه‌شانن
2020-06-24 00:00:00 - سەرچاوە: شـه‌فـه‌ق نيـوز
شەفەق نیوز/ هێزەیل عراقی، ئمڕوو چوارشەممە، دەسکردنە ئۆپراسیۆنیگ سەربازی ك شوونویل داعش کردە ئامانج لە قەزای مەخمور ناوبەین نەینەوا و هەولێر پایتەخت هه‌رێم کوردستان.
قسەکەر وەناو فەرمانەی گشتی هێزە چەکدارەگان لە بەیاننامەیگ ك رەسیە ئاژانس شەفەق نیوز وت: لەبان بنەمای رینماگان فەرماندەی گشتی، و لە تەواوکردن زەنجیرەی ئۆپراسیۆنەگان لە ناوچە سەختەگان، کەرتەیل دژەتیرۆر ئمڕو چوارشەممە، لە ئۆپراسیۆنیگ ناکاوی ، دەسوەشان له شوون حه‌شار تیرۆرسته‌یل لە کویەیل قەرە چۆخ نزیک قەزای مەخمور.
وتیش دەزگای دژەتیرۆر ١٢ تیرۆرست کوشت وە هەماهەنگی وەگەرد فڕۆکەوانی سوپای عراق و فڕۆکەوانی هاوپەیمان ناودەوڵەتی، لەبان زانیارەیلیگ وورد ، ٥٩ گورز ئاسمانی وه‌شانن له ئەشکەفت و چاڵەیل ک چەتەیل داعش تیرۆرست خوەیان لەتی قایم کردنە.