English | عربي

بەوێنە.. شاخه‌وانانی هه‌ڵه‌بجه‌ و سلێمانی به‌ ئاڵای كوردستانه‌وه‌ ده‌چنه‌ سه‌ر لووتكه‌ی ده‌ماوه‌ند


بەوێنە.. شاخه‌وانانی هه‌ڵه‌بجه‌ و سلێمانی به‌ ئاڵای كوردستانه‌وه‌ ده‌چنه‌ سه‌ر لووتكه‌ی ده‌ماوه‌ند

2019/07/26 | 11:05

(هەواڵ كوردستان)- ”بەرزترین لووتكەی ئێران و ڕۆژهەڵاتی ناوەڕاستە"

ژماره‌یه‌ك شاخه‌وانی هه‌ڵه‌بجه‌ و سلێمانی، به‌ ئاڵای كوردستانه‌وه‌، ده‌چنه‌ سه‌ر لووتكه‌ی چیای ده‌ماوه‌ند له‌ باکووری ئێران، كه‌ به‌رزترین لووتكه‌ی ڕۆژهه‌ڵاتی ناوه‌ڕاسته‌ و ئێرانە.

 

زانا عومه‌ر، یه‌كێك له‌ به‌شداربوانی گه‌شته‌كه‌، له‌باره‌ی گه‌شته‌كه‌یانه‌وه‌ به‌ (باسنیوز)ی ڕاگه‌یاند: "لقی سلێمانی یه‌كیتیی شاخه‌وانانی كوردستان، له‌ درێژه‌ی كار و چالاكییه‌كانی خۆیدا، گه‌شتێكی بۆ ڕێك خستین بۆ سه‌ رچیای ده‌ماوه‌ند له‌باکووری ئێران، كه‌ به‌رزیی لووتكه‌ی ده‌ماوه‌ند‌ پێنج هه‌زار و 671 مه‌تره‌ و به‌رزترین لووتكه‌ی ڕۆژهه‌ڵاتی ناوه‌ڕاست و ئێران و بەرزترین لووتکەی گڕکانی ئێرانە‌".

 

هاوکات گوتیشی: "ڕۆژی چوارشەممە(٢٤/٧/٢٠١٩)، گەشتەكەمان ئەنجام دا و (11) كه‌س له‌ شاخه‌وانانی شاری سلێمانی و هه‌ڵه‌بجه‌ به‌ ڕێبه‌ریی دوو شاخه‌وانی ڕۆژهه‌ڵاتی كوردستان به‌شدار بووین، دوای گەیشتن بە لووتكەكە بۆ ماوه‌ی نیو كاتژمێر لەسەر لووتكەكە ماینەوە و دواتر هاتینە خوارەوە، چونكە گازی گۆگردی هەبوو، نەماندەتوانی زۆرتر بمێنینەوە".

 

گوتیشی:"سه‌ركه‌وتن به‌سەر لووتكه‌ی ده‌ماوه‌ند له‌ باکووری ئێران، هه‌ستێكی زۆر خۆشی به‌من دا، چونكه‌ یه‌كه‌مین شاخه‌وانی هه‌ڵه‌بجه‌م، كه‌ ڕۆیشتمه‌ سه‌ر لووتكه‌كه‌".

 

شاخی دەماوەند لە بەشی ناوەندیی زنجیرە چیای ئەلبورز و لە باشووری دەریای خەزەر و لە سنووری ناحیەی "لاریجان"ی سەر بە شاری "ئامول"ە لە پارێزگاری مازندەران لە باکووری ئێران و لە شارەکانی تاران، قۆم و وەرامینەوە لە کاتی ئاسمانی ساماڵدا دیارە و یەکێک لە هێماکانی ئێرانە و ساڵانە بە سەدان تیمی شاخەوانیی ناوخۆیی و بیانی بەسەریدا سەر دەکەون و سروشتێکی سەرنجڕاکێش و دڵڕفێنی هەیە.

 








نیشانەکردن



زۆرترین






ڤیدیۆ- وێنە





Trending