English | عربي

وەزیری دارایی لە بارەی دابەشكردنی مووچە پێش جەژن روونكردنەوە دەدات


وەزیری دارایی لە بارەی دابەشكردنی مووچە پێش جەژن روونكردنەوە دەدات

2019/07/28 | 18:50

(هەواڵ كوردستان)-

وەزیری دارایی حکوومەتی هەرێمی کوردستان ئاشكرای دەكات بەپێی خشتە و ئەو پارەیەی لەبەردەست دەبێت مووچەی فەرمانبەران بۆ جەژن دابەش دەكرێت.

ئاوات شێخ جەناب وەزیری دارایی حكوومەتی هەرێمی كوردستان لە لێدوانێكی تایبەت بۆ (باسنیوز) رای گەیاند: "خشتەیەكی دابەشكردنی مووچەمان هەیە كە لە لایەن بەرێوەبەری گشتی ژمێركاری ئامادە دەكرێت، بەپێی ئەو خشتەیە مووچە پێش جەژن دەدرێت".

 

زیاتر گوتیشی:"ئەو بەرنامەی دامانناوە ئەگەر پارەی پێویست هەبێت وەكو خۆی جێبەجێ دەكرێت و بە بێ دواكەوتن دەدرێت، بەڵام پارە هاتنەكە هەمووی لە یەك کات نایەت بۆ ئەوەی لە دوو سێ رۆژدا پارەی هەموو وەزارەتەكان دابەش بكرێت، بەڵام چەندە پارەی پێویستمان لەبەر دەست بێت ئەوە پێش جەژن مووچە دابەش دەكرێت".

 

وەزیری دارایی لە وەڵامی ئەو پرسیارەی ئەگەر بەغدا پێش جەژن مووچەی خۆی بدات پارەی فەرمانبەرانی هەرێمی كوردستانیش دەنێرێت، گوتی: " پارەمان بۆ بێت لە بەغداوە ئێمەش دابەشی دەكەین هیچ كێشەیەكمان نابێت".

 

بەپێی ئەو زانیارییانەی کە لە گەنجینەی وەزارەتی داریی بە (باسنیوز) دراون لەلایەن گەنجینەکانەوە وردبینی لە لیستی مووچەی مانگی 5ی سەرجەم وەزارەت و فەرمانگەکان کراوە و دراوتە وەزارەتی دارایی.

 

ئەگەر خشتەی دابەشکردنەکەی مووچە هاوشێوەی مانگەکانی ڕابردوو بێت بە وەزارەتی پێشمەرگە دەست پێ دەکات و دواتر مووچەی هەریەک لە وەزارەتەکانی پەروەردە، دارایی و تەندروستی دابەش دەکرێت، بەڵام بەهۆی جەژنەوە چاوەڕوانی گۆڕانكاری دەكرێت.








نیشانەکردن



زۆرترین






ڤیدیۆ- وێنە





Trending