وەزارەتی سامانە سروشتیەکان: دابەشکردنی نەوتی سپی بەردەوامە
2019-12-30 00:00:00 - سەرچاوە: kdp
هه‌ولێر -KDP.info- وه‌زاره‌تی سامانه سروشتییه‌كانی حكوومه‌تی هه‌رێمی كوردستان له‌باره‌ی دابه‌شكردنی نه‌وتی سپی ڕوونكردنه‌وه‌یه‌كی بڵاوكردووته‌وه و دووپات ده‌كاته‌وه دابه‌شكردنی نه‌وتی سپی به‌رده‌وامه.
دەقی ڕوونكردنه‌وه‌كە:
بە راسپاردەی سەرۆکی حکومەتی هەرێمی کوردستان ، وەزارەتەکەمان بەردەوامە لە دابەشکردنی نەوتی سپی و ئێستا وەک قۆناخی یەکەم بەشیکی زۆری ناوچە شاخاوییەکان نەوتی سپییان پێیگەیشتووە ، دوای ناوچە شاخاوییەکانیش وەزارەتەکەمان بەهاوکاری لایەنە پەیوەندیدارەکان هەوڵ دەدات بۆ دابینکردنی نەوتی سپی بؤ گشت هاوولاتییان لە هەر چوار پاریزگاکەی هەرێمی کوردستاندا.
وەزارەتی سامانە سروشتییەکان
