English | عربي

ل دهۆكێ‌ چەكێ‌ 10 ملیار دیناری یێ‌ گەنمێ‌ جۆتیاران گەهشت


ل دهۆكێ‌ چەكێ‌ 10 ملیار دیناری یێ‌ گەنمێ‌ جۆتیاران گەهشت

2019/08/04 | 13:10

(هەواڵ كوردستان)-

رێڤەبەرێ‌ كۆمپانیا بازرگانیا دەخلۆدانێ‌ ل دهۆكێ‌ دیار كر چەكێ‌ پارێ گەنمێ‌ جۆتیارێن دهۆكێ‌ ب كوژمێ‌ 10 ملیاران دیناران گەهشت.

ئەو جۆتیارێن  2019 گەنمێ‌ خوە داینە سایلویان دێ‌ پارێ خوە وەرگرن.

 

نازم مەحمەد، رێڤەبەرێ‌ كۆمپانیا بازرگانیا دەخلۆدانێ‌ ل دهۆكێ‌ بۆ (باسنیوز) دیار كر: "قوناغا دوویێ‌  ژی چەكەكێ‌ پارێ گەنمێ‌ جۆتیارێن پارێزگەها دهۆكێ‌ گەهشتە كۆمپانیا بازرگانیا دەخلۆدانێ‌ ل دهۆكێ‌ ب كوژمێ‌ 10 ملیار دیناران.

ئەو چەك بۆ بەنكا ناوەندیا مەركەزی ل هەولێر هاتیە رەوانەكرن كو ئەڤ چەكێ‌  پارە هاتە سەر هژمارا كۆمپانیا بازرگانیا دەخلۆدانێ‌.

ئەم چاڤەرێ بەنكا ناوەندیا عێراقێ نە بۆ مەزاختنا كوژمێ‌ 10 ملیار دیناران داكو لسەر جۆتیاران بهێتە بەلاڤكرن ئەو جۆتیارین ئەڤ سالە گەنمێ‌ خۆ داینە سایلویان دێ پارێ‌ خوە وەرگرن، بتایبەتی ژی ئەو جۆتیارێن ل رۆژا 17/6/2019 هەتا رۆژا 22/6/2019 هەر جۆتیارەكێ‌ گەنمێ‌ خوە ڤێ‌ ماوەیێ‌ دا رادەستی سایلویان كری، دێ پارێ خوە وەرگریت.

 

خویا ژی كر: "ئەڤ سالە ل هەر سێ‌ سایلویێن پارێزگەها دهۆكێ‌ هەتا نۆكە 111 هزار و 346 تەنێن گەنمی‌ یێن هاتینە وەرگرتن.

ئەوژی ل سایلویا شێخان 55 هزار و59 تەنێن یێن هاتینە وەرگرتن و ل سایلویا فەیدیێ‌ 30 هزار و 558 ول سایلویا زاخۆ ژی 25 هزار و 638 تەنێن گەنمی‌ یێن هاتینە وەرگرتن".








نیشانەکردن



زۆرترین






ڤیدیۆ- وێنە





Trending