English | عربي

روونكردنه‌وه‌یه‌ك له‌ نووسینگه‌ی راگه‌یاندنی وه‌زیری هه‌رێم بۆ كاروباری پێكهاته‌كان


روونكردنه‌وه‌یه‌ك له‌ نووسینگه‌ی راگه‌یاندنی وه‌زیری هه‌رێم بۆ كاروباری پێكهاته‌كان

2019/08/06 | 22:50

(هەواڵ كوردستان)- K24 – هه‌ولێر:

نووسینگه‌ی راگه‌یاندنی وه‌زیری هه‌رێم بۆ كاروباری پێكهاته‌كان له‌ روونكردنه‌وه‌یه‌كدا ره‌تیكردووه‌ته‌وه‌، ئه‌و نووسینانه‌ی له‌ تۆڕی كۆمه‌ڵایه‌تی فه‌یسبووك له‌ چه‌ند په‌یج و ئه‌كاونتێك بڵاوكراونه‌ته‌وه‌ په‌یوه‌ندیان به‌ وه‌زیره‌وه‌ هه‌بێت.

له‌ روونكردنه‌وه‌كه‌دا هاتووه‌: ئامانج لەو جۆرە کارانە تێکدانی ئەو پێکەوە ژیان و سەقامگیریەیە کە ھەموومان شانازی پێوە دەکەین.

هه‌روه‌ها هاتووه‌: ئەم جۆرە کارانە ھیچ خزمەتێک بە کەس ناگەیەنێت.

ده‌قی روونكردنه‌وه‌كه‌ 

روونکردنەوەیەک بۆ رای گشتی لە بەرپرسی نوسینگەی راگەیاندنی بەڕێز ئایدن مەعروف

ماوەیەکە چەند پەیج و ئەکاونتێکی نابەرپرس و ساختە ھەڵساون بە بڵاوکردن و نوسین و لێدواندان بە ناوی بەڕێز وەزیری ھەرێم ئایدن مەعروف.

لێرەوە دووپاتی دەکەینەوە لە دوورو و نزیک ھیچ پەیوەندیەکی بە بەڕێزیانەوە نیە.

ئامانج لەو جۆرە کارانە تێکدانی ئەو پێکەوە ژیان و سەقامگیریەیە کە ھەموومان شانازی پێوە دەکەین.

ئەم جۆرە کارانە ھیچ خزمەتێک بە کەس ناگەیەنی لە نانەوەی گێرەشێوێنی و تێکدانی ڕەوشی سەقامگیری و پێکەوە ژیان.

لێرەوە داوا لەھاونیشتیمانیان دەکەین کە ڕیپۆرتی ئەو پەیج و گروپە گێرەشێوێنانە بکەن.

لەگەل رێزی بێ پایان.

نوسینگەی راگەیاندنی بەڕێز ئایدن مەعروف

6/8/2019

ھەولێر








نیشانەکردن



زۆرترین






ڤیدیۆ- وێنە





Trending